1Dou vaqara na daligamudou, na noqu tamata, ki na noqu vunau;
dou vakalakala na daligamudou ki na vosa ni gusuqu.
2 Maciu 13.35 Au na dolava na gusuqu e na vosa vakatautauvata;
au na tukuna eso na ka sa vuni tu mai na gauna makawa,
3ko ya keitou sa rogoca ka kila,
ka ra sa tukuna mai vei keitou ko ira na noda qase.
4Keitou na sega ni vunia vei ira na luvedra;
keitou na vakatakila ki nai tabatamata e muri
na nona vinaka ko Jiova kei na nona kaukauwa,
kei na nona cakacaka mana sa kitaka ko koya.
5Ni sa vakatura ko koya me dautukuni vei ira na Jekope,
ka tauca na vunau vei ira na Isireli,
ka sa vakarota vei ira na noda qase,
me ra vakatakila vei ira na luvedra;
6me ra kila rawa nai tabatamata e muri,
io ko ira na gone era na sucu e muri,
me ra tubu talega ka tukuna vei ira na luvedra,
7ka me ra vakararavi ga vei koya na Kalou,
ka sega ni guilecava na cakacaka ni Kalou,
ka me ra vakabauta ga na nona vunau;
8ia me ra kakua ni vakataki ira na nodra qase,
nai tabatamata yalovakatani ka talaidredre,
nai tabatamata sa sega ni vakarautaka na lomadra,
ka sa sega ni dina vua na Kalou na yalodra.
9Na Ifereimi, sa vakaiyaragi e na dakai-titi,
era sa suka tale e na siga ni valu.
10Era sega ni maroroya na veiyalayalati kei na Kalou,
ka ra bese ni muria na nona vunau.
11A ra sa guilecava na nona cakacaka,
kei na nona cakacaka vakurabui sa vakatakila oti ko koya vei ira.
12 Lako 7.8—12.32 A ka vakurabui sa kitaka ko koya e matadra na nodra qase
e na vanua ko Ijipita, kei na tiki ni vanua mai Soani.
13 Lako 14.21,22 Sa wasea na wasawasa ko koya, ka kauti ira e loma,
ka binia cake na wai me tu me vaka na suva levu.
14 Lako 13.21,22 Sa tuberi ira e na siga ko koya e na o,
kei na bogi talega e na rarama ni bukawaqa.
15Sa tasea na veivatu mai na vanua lala ko koya,
ka vagunuvi ira me vaka mai na wai titobu sara.
16 Lako 17.1-7; Tiko 20.2-13 Sa vakatubura talega ko koya na wai drodro mai na vatu,
ka vakadavea sobu na wai me vaka na uciwai.
17Ia era sai valavala ca tiko vua,
ni ra vakacudrui Koya sa Cecere Sara mai na vanua dravuisiga.
18 Lako 16.2-15; Tiko 11.4-23,31-35 A ra sa dauveretaki koya na Kalou e lomadra,
ni ra kerea na kakana ni ra garova.
19A ra sa vosacataka na Kalou, ka kaya,
“Sa vakarautaka rawa li na Kalou na tepeli e na vanua lala?
20Raica, sa yavita na vatu ko koya, ka sa vure mai kina na wai
ka sa vuabale na dreke ni wai.
Sa solia rawa tale beka ga na madrai
se vakarautaka na lewe ni manumanu vei ira na nona tamata?”
21Sa rogoca na ka oqo ko Jiova, ka sa cudru;
ka sa waqa kina na buka vei ira na Jekope,
sa tubu talega na cudru vei ira na Isireli,
22ni ra sa sega ni vakabauta na Kalou,
ka ra sega ni vakararavi vua me vakabulai ira.
23Ia sa vakarota oti na o mai cake,
ka dolava na katuba kei lomalagi,
24 Joni 6.31 sa vakatauca na mana vei ira me ra kania,
ka sa solia vei ira na sila ni lomalagi.
25Ia na tamata, era sa kania na kedra na agilosi;
ka sa solia vei ira ko koya na kakana me ra mamau sara.
26Sa vakaliwava na tokalau mai lomalagi,
ka sa kauta mai na ceva e na nona kaukauwa;
27ka sa vakatauca vei ira na lewe ni manumanu me vaka na kuvu-ni-soso,
kei na manumanu vuka me vaka na nuku ni matasawa;
28ka sa tauca e na saqata ni nodra i tikotiko,
ka vakavolivolita na nodra veivale.
29A ra sa kana, ka mamau sara,
ni sa solia ko koya na ka era garova.
30Ia ka sa sega ni mudu rawa na nodra garogaro,
ia ni sa tu e gusudra na kedra kakana,
31sa yacovi ira na cudru ni Kalou,
ka vakamatei ira era sa kaukauwa vei ira,
ka mokuta na tamata digitaki e Isireli.
32Ia sa oti kecega oqo, ka ra sai valavala ca tikoga;
ka sega ni vakabauta ni ra raica na nona cakacaka mana.
33O koya oqo sa vakaotia kina na nodra siga e na ka e sega ni yaga,
kei na nodra yabaki e na ka rarawa.
34Ni sa mokuti ira, era sa qai qarai koya;
ka ra lesu mai ka ra qara vakatotolo na Kalou.
35A ra sa nanuma ni sa nodra uluvatu na Kalou,
kei na nodra i Vakabula na Kalou Cecere Sara.
36Ia era sa vosaveicavilaki vua e na gusudra;
ka lasu vua e na yamedra.
37 Caka 8.21 Ni sa sega ni dodonu vua na yalodra;
ka ra sa sega ni tiko dei e na nona veiyalayalati.
38Ia ko koya, ni sa yalololoma,
sa sega ni sauma na nodra i valavala ca,
ka sega ni vakarusai ira;
ia sa vakalesuya tani vakavuqa na nona cudru,
ka sega ni uqeta na nona cudru me waqawaqa sara.
39Ni sa nanuma ko koya ni ra sa tamata ga,
na cagi sa lako tani, ka sega ni lesu tale mai.
40A ka tani na nodra talaidredre vua mai na vanua lala
ka vakararawataki koya mai vanua dravuisiga!
41Io, era sa vuki tani ka vakatovolei koya vakaca na Kalou,
ka vakacudrui Koya na Yalosavasava ni Isireli.
42Era sa sega ni nanuma na ligana,
se na siga sa vakabulai ira kina mai na meca;
43ni sa kitaka ko koya nai vakadinadina mai Ijipita,
kei na nona cakacaka e veivakidacalataki e na tiki ni vanua mai Soani.
44 Lako 7.17-21 Ka sa vukica na nodra uciwai me dra,
kei na nodra soniwai, me ra kakua ni gunuva rawa.
45 Lako 8.1-6,20-24 Sa tala vei ira na qele ni lago, ka sa kani ira,
kei na boto, ka vakacacani ira.
46 Lako 10.12-15 Ka sa solia talega na nodra vuata ki na nuve,
kei na ka era oca kina ki na vodre.
47 Lako 9.22-25 Sa vakamatea na nodra veivaini e na uca-cevata,
kei na nodra lolo e na tegu cevata.
48Sa vakamatea na nodra manumanu lelevu ko koya e na uca-cevata,
kei na nodra qele ni manumanu e na livaliva.
49Sa vakayacora vei ira na nona cudru waqawaqa,
na lesavi, kei na yaluma, kei na ka rarawa,
ni sa tala na agilosi ca vei ira.
50Sa caramaka na sala ki na nona cudru;
sa sega ni tarova na yalodra mai na mate,
ia sa solia ga na nodra bula ki na mate veiveitauvi.
51 Lako 12.29 Sa vakamatea na ulumatua kecega mai Ijipita,
a nodra kaukauwa levu mai na veivale i Ame.
52 Lako 13.17-22 Ia sa kauti ira tani na nona tamata me vaka na sipi,
ka tuberi ira voli e na vanua lala me vaka na qele ni sipi.
53 Lako 14.26-28 Sa tuberi ira vakavinaka yani, a ra sa sega kina ni rere;
ia sa dromuca na nodra meca na wasawasa.
54 Lako 15.17; Josua 3.14-17 Sa kauti ira ko koya ki nai yalayala ni nona vanua tabu,
io ki na ulunivanua oqo, sa volia na ligana i matau.
55 Josua 11.16-23 A sa vakaseva tani e matadra na veimatanitu;
ka sa vota vei ira na nodra veiyasana e na wa ni vakarau,
ka vakatikori ira na veiyavusa ni Isireli e na nodra veivale.
56 Dvei 2.11-15 Ia ka ra sa vakatovolea ka vakacudruya na Kalou Cecere Sara.
Ka sega ni muria na nona vunau,
57era sa vuki tani ga, ka cakacaka vakailasu me vaka na nodra qase;
a ra sa vakatikitiki tani me vaka na dakai-titi e daulasu.
58A ra sa vakacudrui koya e nodra veiyasana cecere;
ka vakauqeta na nona vuvu e na vuku ni nodra matakau ceuceu.
59Sa rogoca na Kalou, ka sa cudru sara,
ka sa vakasisilataki ira vakalevu na Isireli.
60 Josua 18.1; Jere 7.12-14; 26.6 A sa biuta kina na nona i tikotiko mai Sailo,
na nona vale tabu sa lesia ko koya me tiko kei ira na tamata,
61 1Samu 4.4-22 ka sa soli ira na nona kaukauwa me ra vakabobulataki,
kei na nona i ukuuku ki na ligana na meca.
62Sa soli ira na nona tamata me ra mate e nai seleiwau,
a sa cudruva na nona i votavota.
63Sa kania na nodra cauravou na bukawaqa,
ka sa sega ni musu na nodra goneyalewa me ra vakawati.
64Sa bale na nodra bete e nai seleiwau,
a sa sega ni tagiyaso na nodra yada.
65Sa qai yadra mai na Turaga me vaka e dua mai na moce,
ka vaka na tamata qaqa ni sa kaila e na vuku ni waini.
66Sa yavita nai murimuri ni nona meca;
a sa cakava me ra rogo ca tikoga.
67Sa besetaka na valelaca i Josefa,
ka sega ni digitaka na yavusa i Ifereimi;
68sa digitaka ga na yavusa i Juta,
na Ulunivanua ko Saioni, sa dau lomana ko koya.
69Sa tara vakacecere na nona vale tabu,
me vakataki vuravura, sa tauyavutaka ko koya me sega ni oti rawa.
70 1Samu 16.11,12; 2Samu 7.8; 1Vei 17.7 Sa digitaki Tevita talega na nona tamata,
ka kauti koya mai na bai ni sipi;
71ni sa muria tiko na sipi sa vakasucu
sa kauti koya me vakani ira na Jekope na nona tamata,
kei ira na Isireli na nona i votavota.
72Sa vakani ira me vaka na nona yalododonu,
ka tuberi ira ni sa vuku na ligana.
Who We AreWhat We EelieveWhat We Do
2025 by iamachristian.org,Inc All rights reserved.
