1Mo tucake, mo rarama mai; ni sa yaco mai na nomu rarama,
ia na serau i Jiova sa cadra mai vei iko.
2Io, raica, na butobuto, ena ubi vuravura;
kei na butobuto loaloa, na veimatanitu;
ia ena cadra mai vei iko ko Jiova,
kei na nona i serau ena raici ni sa cilavi iko.
3Ia na veimatanitu tani era na lako voli e na nomu rarama,
kei ira na tui e na serau ni kemui cadracadra.
4Tacake, ka rai voli;
ko ira kece, era sa soqoni vata, era sa lako mai vei iko;
a luvemu tagane, era na lako vakayawa mai,
kei ira na luvemu yalewa era na roqoti mai.
5Ko na qai raica, ka vakamarautaki;
ia na lomamu, ena vakacegu ka vakalevutaki;
ni na vakalesui mai vei iko na kamunaga ni wasawasa;
ia nai yau ni veimatanitu, ena rawa mai vei iko.
6A qele ni kameli ena lako levu mai vei iko,
na luve ni kameli ni Mitiani kei Ifa;
ko ira kecega mai Sipa, era na lako mai;
era na kauta mai na koula kei na ka boi vinaka;
ka ra na vakacaucautaki Jiova e na nodra i tukutuku vinaka.
7A qele ni sipi kecega ni Kitari ena vakasoqoni mai me nomu;
na sipi tagane ni Nepeioci, era na qaravi iko;
era na cabeta, ni ra vinakata, na noqu i cabocabo-ni-soro;
ia na noqu vale vakaiukuuku ka'u na vakaiukuukutaka.
8Ko cei oqo era sa vuka mai me vaka na o,
ka vaka na ruve ki na nodra i sogo cicila?
9Era na waraki au ga na veiyanuyanu,
ia na waqa ni Tasisi sa na liu,
me kauti ira mai na luvemu mai na vanua vakayawa,
na nodra siliva kei na nodra koula talega,
ki na yaca i Jiova na nomu Kalou,
me nei Koya na Yalosavasava ni Isireli,
ni sa vakalagilagitaki iko.
10Era na viria na nomu bai ko ira na kai tani,
ia ko ira na nodra tui era na qaravi iko;
ni'u a cudru, ka'u a yaviti iko,
ia ni'u sa yalololoma, ka'u na lomani iko.
11 Vtaki 21.25,26 Ia na nomu matamata-ni-koro ena dola tikoga;
ena sega ni sogo e na siga se na bogi,
me kau mai kina vei iko nai yau ni veimatanitu,
ka me ra tuberi mai ko ira talega na nodra tui.
12Ia na vanua kei na matanitu era bese ni qaravi iko ena rusa;
io, na veimatanitu ko ya ena vakalalataki sara ga.
13Nai ukuuku kei Lepanoni ena yaco mai vei iko,
na damanu kei na paini, kei na dilo,
me vakaiukuukutaka na yasa ni noqu vale tabu,
ia nai tutu-ni-yavaqu ka'u na vakalagilagia.
14 Vtaki 3.9 Ena qai lako roko mai vei iko
na luve ni tamata era vakacacani iko;
ena qai cuva sobu ki ruku ni yavamu
ko ira kecega era a beci iko;
ka ra na vakatokai iko, Na koro i Jiova,
ko Saioni ka nona na Yalosavasava ni Isireli.
15Ia, ni ko a biu ka cati,
ka sega e veilakovi kei iko,
ka'u na qai qisi iko kina mo lagilagi ka sega ni mudu,
mo vu ni marau vei ira na veitabatamata kecega.
16Ko na sucuma na nodra wai-ni-sucu na veimatanitu tani,
ia na sucudra na tui ko na sucuma;
ko na qai kila ni sai au ko Jiova, na nomu i Vakabula,
ni sai Koya ka voli iko, na Kaukauwa nei Jekope.
17Ka'u na kauta mai na koula mei sosomi ni parasa,
ka'u na kauta mai na siliva mei sosomi ni kaukamea,
ka mei sosomi ni kau na parasa,
ka mei sosomi ni vatu na kaukamea.
Ia ka'u na cakava na nomu mataveilewai me vu ni veivakacegui,
kei ira sa dauvakasaurarataki iko me ra vu ni valavala dodonu.
18Ena sega ni rogoci tale e na nomu vanua nai valavala kaukauwa,
se na rarawa se na rusa e na nomu i yalayala;
ia ko na vakatoka na nomu bai me bai ni Bula,
kei na nomu matamata-ni-koro me matamata-ni-koro ni Vakavinavinaka.
19 Vtaki 21.23; 22.5 Na mata-ni-siga ena sega tale ni nomu rarama e na siga;
na vula talega, ena sega ni cila mai me nomu rarama;
ia ko Jiova ga, ena nomu rarama ka sega ni mudu;
kei na nomu Kalou ena nomu i ukuuku.
20Ena sega ni dromu tale na nomu mata-ni-siga,
na nomu vula talega ena sega ni dromu;
ni na nomu rarama ko Jiova ka sega ni mudu,
ia ena oti ga na siga ni nomu tagi.
21Ko ira na nomu tamata, era na yalododonu kecega;
era na taukena na vanua ka sega ni mudu.
Ko ira na sulina ka'u a tea, na cakacaka ni ligaqu,
me'u vakarokorokotaki kina.
22Ko koya sa lailai, ena yaco me le dua na udolu;
kei koya sa lailai, me matanitu kaukauwa;
koi au ko Jiova;
ka'u na vakusarawataka e na kena gauna.
Who We AreWhat We EelieveWhat We Do
2025 by iamachristian.org,Inc All rights reserved.
