1Sa vinaka cake ko koya na dravudravua sa lako vakadodonu
mai vua na tamata sa dau vosaveve ka sa lialia.
2Sa sega ni vinaka na gagadre e segai kina na kila-ka,
kei koya sa totolo sivia na yavana ena calata na nona sala.
3A lialia ni tamata sa sese kina na nona i valavala,
ia sa didi vei Jiova na lomana.
4Sa lewe vuqa na wekana na tamata vutuniyau,
ia ko koya sa dravudravua sa tawase tani mai vua na kai nona.
5A dautukutuku lasu ena sega ni donu,
ia ko koya sa vosa lasu ena sega ni dro bula.
6Era lewe vuqa era na via vakalomavinakataki koya na turaga,
ia na tamata kecega era via veitau vata kaya sa dausoli-ka.
7Ko ira kecega era veitacini kei na tamata dravudravua era sa cati koya,
ia sa na vakaevei na nodra via veiyawaki kaya na wekana!
Sa cicimuri ira e na vosa, ka ra sega ga mai kea.
8O koya sa rawata na vuku sa lomana na yalona,
ko koya sa taura tiko na yalomatua ena kune ka vinaka.
9A dautukutuku lasu ena sega ni donu,
ia ko koya sa vosa lasu ena rusa.
10Sa sega ni kilikili kaya na lialia na reki,
ka sega sara ni kilikili kaya na tamata wale me lewai ira na turaga.
11A nona yalomatua na tamata sa vakaberabera kina na nona cudru,
ka sa ka e rogo vinaka kina ni sa sega ni cudruvaka na cala.
12Sa vaka na tagi ni laione na cudru ni tui,
ka sa vaka na kena tau na tegu ki na co na nona loloma.
13Na gone tagane lialia sa vu ni rarawa vei tamana,
ia na nona veileti na yalewa vakawati na tuturu e sega ni mudu.
14A vale kei nai yau na ka era taukena na qase,
ia sa mai vei Jiova ga na yalewa vakawati sa yalomatua.
15A vucesa na vu ni moce lutu;
ia na yalo dauguca ena viakana.
16O koya sa muria na vunau sa maroroya na yalona;
ia ko koya sa vakawaletaka na nona i valavala ena mate.
17Sa ia na soli-ka vei Jiova ko koya sa lomani ira na dravudravua,
ia na ka sa solia ko koya ena saumi tale vua.
18Mo vakanakuitataka na luvemu ni sa vinaka rawa kina,
ia ni sa tagi, me kakua ni lekaleka kina na lomamu.
19A tamata daucudru vakalevu ena cudruvi kina;
ni kevaka ko vakabulai koya, ia mo na qai kitaka tale vakarua.
20Mo rogoca na vunau, ka vakabauta nai vakavuvuli,
mo vuku kina e na nomu gauna mai muri.
21E levu na ka e nanuma kina na loma ni tamata,
ia sa na tu ga na lewa i Jiova.
22Ni sa yalololoma na tamata sa dauvinakati kina ko koya,
ia sa vinaka na tamata dravudravua ka ca na tamata daulasu.
23Sa vu ni bula na rerevaki Jiova;
ia ena tiko vakasautu na kenai taukei
ka sega na ca me yacovi koya.
24A tamata vucesa sa tonisua na kena e na dari,
ka sa bese ni kauta tale ki na gusuna.
25Mo yavita na dauveivakalialiai, ena lomakasa kina ko koya sa sega ni vuku;
ia mo vunauci koya sa yalomatua, ena kila-ka kina ko koya.
26O koya sai valavala vakaukauwa vei tamana ka vakasavi tinana
sa gone e veivakamaduataki ka veivakarogocataki.
27Na luvequ, ni ko sa sega ga ni rogoca nai vakavuvuli,
ko na vuki tani kina mai na vosa ni vuku.
28A dautukutuku lasu sa beca na veilewai,
ia na gusudra na tamata ca sa tiloma nai valavala ca.
29Sa vakarautaki na cudruvi me kedra na tamata be,
kei na kuita ki na dakudra na lialia.
Who We AreWhat We EelieveWhat We Do
2025 by iamachristian.org,Inc All rights reserved.
