1 Joni 3 - Ai Vola Tabu (Vakadewa Makawa Vakavoutaki 2021)（FRV21）

1 Joni 1.12 Raica na kena levu ni loloma sa solia vei keda na Tamada, me da vakatokai kina me da luve ni Kalou; ia eda sa vakakina. O koya oqo sa sega kina ni kilai keda ko ira na kai vuravura, ka ni ra a sega ni kilai koya.

2Oi kemudou sa lomani, eda sa qai luve ni Kalou, ia sa sega ni rairai se da na vakaevei mai muri. Oqo ga eda sa kila: ni na rairai mai ko koya, eda na tautauvata kaya, ni da na raica na matana dina.

3Ia na tamata yadua sa tu vua nai nuinui oqo vei Koya, sa vakasavasavataki koya, me vaka sa savasava ko koya.

4O koya yadua sai valavala ca sa talaidredre ki na vunau; ni sai valavala ca oqo na talaidredre ki na vunau.

5Joni 1.29Ia dou sa kila ni sa vakaraitaki ko koya me kauta tani na noda i valavala ca; a sa sega na nona i valavala ca.

6O koya sa tudei vata kaya sa sega ni valavala ca; o koya sai valavala ca tiko sa sega ni raici koya, se kilai koya.

7Oi kemudou na luvequ lomani, me kakua ni vakacalai kemudou e dua. O koya sai valavala dodonu sa dodonu ga, me vaka sa dodonu ko koya.

8A luve ni tevoro ko koya sai valavala ca tiko; ni sai valavala ca na tevoro mai nai vakatekivu. E na vuku ni ka oqo sa vakaraitaki kina na Luve ni Kalou, me vaqeavutaka na cakacaka ni tevoro.

9Sa sega ni valavala ca ko koya yadua sa vakasucumi koya na Kalou, ni sa tugana e lomana nai tei ni Kalou; a sa sega ni ia rawa nai valavala ca ko koya, e na vuku ni sa vakasucumi koya na Kalou.

10E na ka oqo sa rairai kina vakaoqo ko ira na luve ni Kalou kei ira na luve ni tevoro: sa sega ni luve ni Kalou ko koya yadua sa sega ni ia tiko nai valavala dodonu, se ko koya sa sega ni lomana na wekana.

Me da Veilomani

11 Joni 13.34 Ni sai koya ga oqo nai vakaro dou a rogoca mai nai vakatekivu, me da veilomani.

12Vteki 4.8Me da kakua ni vakataki Keni, a luve ni vu-ni-ca, o koya sa vakamatea na tacina. A sa vakamatei koya e na vuku ni cava? E baleta ni sa ca na nona i valavala, ka sa dodonu nai valavala nei tacina.

13Kakua ni kidacala, oi kemudou na wekaqu, kevaka sa cati kemudou ko ira na kai vuravura.

14Joni 5.24Eda sa kila ni da sa lako tani mai na mate ki na bula, ni da sa lomani ira na veiwekani. O koya sa sega ni lomana na wekana sa tiko ga e na mate.

15Sa daulaba ko koya yadua sa cata na wekana, ka dou sa kila ni sa sega sara ni tiko e lomana na daulaba na bula tawa mudu.

16E na ka oqo eda sa kunea kina na loloma, ni sa solia ko koya na nona bula e na vukuda—ka sa dodonu me da solia na noda bula koi keda talega e na vukudra na veiwekani.

17Ia ko koya sa tu vua nai yau ni vuravura oqo, ka sa raica na wekana ni sa dravudravua, ia sa qai sogota na lomana vua, sa tiko vakacava e na lomana na loloma vua na Kalou?

18Oi kemudou na luvequ lomani, me da kakua ni loloma e na vosa ga, se e na yameda; ia e na cakacaka ga kei na lomadina.

19Ia na ka oqo eda sa kila kina ni da sa dina; eda na vakadinadinataka talega kina na yaloda vua.

20Ia kevaka sa beitaki keda na yaloda ni da sa ca sa uasivi cake e na yaloda na Kalou, a sa kila na ka kecega.

21Oi kemudou sa lomani, kevaka sa sega ni beitaki keda na yaloda ni da sa ca, eda sa qai doudou rawa vua na Kalou.

22Ia na ka kecega eda sa kerea, eda sa rawata mai vei koya, ni da sa muria na nona vunau, ka kitaka na veika sa vinaka vua.

23 Joni 13.34; 15.12,17 Ia oqo na nona vunau, Me da vakabauta na yaca ni Luvena ko Jisu Karisito, ka veilomani, me vaka sa vakarota vei keda ko koya.

24Ia sa tudei vei koya ko koya sa muria na nona vunau, a sa tu sara vua ko koya. Ia na ka oqo eda sa kila kina ni sa tiko e na lomada ko koya, e na vuku ga ni Yalo Tabu sa solia mai vei keda ko koya.