1“Raica, a ka kecega oqo sa kunea na mataqu,
sa rogoca na daligaqu ka sa kila.
2A ka dou sa kila, ka'u sa kila talega;
ka'u sa sega ni lolovira sobu vei kemudou.
3Ia ka'u sa via vosa vei Koya sa Kaukauwa,
au sa vinakata me keirau veitarogi kaya na Kalou.
4Ia koi kemudou, dou sa dautulia na lasu;
dou sa vuniwai sa sega ni yaga kecega.
5Ke dou a bau tiko lo mada ga,
sa na qai nomudou vuku sara ga oqori!
6Dou rogoca mada oqo na noqu i vakamacala,
ka dou rogoca na vakamamasu ni tebenigusuqu.
7Dou na vosa vakailasu beka me baleta na Kalou
ka vosa vakaveivakaisini e na vukuna?
8Dou na cakacaka vakatawadodonu beka e matana,
ka ia na veileti e na vuku ni Kalou?
9Sa vinaka beka me vakatarogi kemudou ko koya?
Se dou sa vakalialiai koya, me vaka sa ia na veivakalialiai na tamata?
10Ena vunauci kemudou vakaidina ko koya
kevaka dou sa vakadonui ira lo na tamata.
11Ena sega beka ni vakarerei kemudou na nona i tovo vakaturaga,
ka sega ni kani kemudou na rerevaki koya?
12A nomudou vosa vakavuku sai bole dravusa,
a nomudou i vakamacala sai vakamacala malumalumu vaka na qele.
13“Dou vakagagalu mada, ka me'u vosa koi au,
me qai veitalia se cava ena yacovi au.
14A cava me'u taura kina na lewequ e batiqu,
ka taura e ligaqu na noqu bula?
15Raica, kevaka sa vakamatei au ko koya, ka'u na vakararavi ga vua;
ia na noqu i valavala ka'u na vakadinadinataka e matana.
16Sai koya talega ka'u na vakabulai kina,
ni sa sega na tamata dauveivakaisini me toro yani vua.
17Dou rogoca vakavinaka na noqu vosa,
ka me tiko sara na noqu i tukutuku e na daligamudou.
18Raica, ka'u sa qai vakarautaka tu na veika me baleti au;
ka'u sa kila ni'u na vakadonui.
19Ko cei sa tiko oqori me na beitaki au?
Ke sa vakakina, ia ka'u na qai galu kina ka ciba.
Na Masu Malumalumu i Jope20E rua ga na ka mo ni kakua ni kitaka vei au,
ka'u na qai sega ni vunitaki au vei kemuni:
21mo ni kauta vakayawa tani vei au na ligamuni,
ka me kakua talega ni vakarerei au na ka rerevaki mai vei kemuni.
22Mo ni qai kaci mai, ka'u na qai sauma yani;
se'u vosa mada koi au, mo ni qai sauma mai vei au.
23E vakavica beka na noqu caka cala kei na noqu i valavala ca?
Mo ni vakatakila vei au na noqu talaidredre kei na noqu i valavala ca.
24A cava ko ni sa vunia kina na matamuni
ka okati au me'u nomuni meca?
25Ko ni na vurulaka beka na drau-ni-kau sa cagina
ka vakasava na vu-ni-sila malai?
26Ni ko ni sa vola na ka vakararawa sara vei au
ka votai au e na noqu i valavala ca ni'u a cauravou.
27 Jope 33.11 Ko ni sa vesuka talega na yavaqu e nai vesu kau
ka vakaraica matua na noqu i lakolako kecega;
ko ni sa lesia nai yalayala ni qeteqete ni yavaqu.
28A sa malai yani ko koya me vaka na ka sa vuca,
me vaka nai sulu sa kania na sarasara.
Who We AreWhat We EelieveWhat We Do
2025 by iamachristian.org,Inc All rights reserved.
