1 2Tui 15.7; 2Vei 26.23 E na yabaki sa mate kina ko Usaia na tui ka'u a raica na Turaga ni sa tiko e nai tikotiko vakaturaga, sa cecere ka toka sara ki cake, a sa robota na vale-ni-soro na nona i tini yara.
2Era sa tu e cake vua ko ira na serafimi. Sa yaono na tabadratou: e rua sa tabonaka kina na matana, e rua sa tabonaka kina na yavana, ka rua sa vuka kina.
3Vtaki 4.8A ra sa veikaciyaki, ka kaya:
“E dodonu, e dodonu, e dodonu, ko Jiova-ni-lewevuqa;
sa sinai ko vuravura taucoko e na nona i serau.”
4 Vtaki 15.8 A sa yavala nai lago ni katuba e na domo i koya sa kaci, ka sa vakasinaiti na vale e na kubou.
5Au a qai kaya, “Isa koi au! Ni'u sa ca! Ni'u sa tamata tebenigusu qeleqelewa, ka'u sa tiko talega kei ira na tamata tebenigusu qeleqelewa; ia sa raica na Tui ko Jiova-ni-lewevuqa na mataqu!”
6Sa qai vuka mai vei au e dua vei ira na serafimi, a sa taura e ligana na qilaiso sa waqa tu, sa kauta e nai saga-ni-buka mai nai cabocabo-ni-soro.
7A sa tara kina na gusuqu, ka kaya, “Raica, sa tau oqo ki na tebenigusumu; sa takali na nomu caka cala, ka sa vosoti na nomu i valavala ca.”
8Au a qai rogoca na domo ni Turaga, ni sa kaya, “Ko cei me'u tala, ia ko cei ena lako e na vuku i keitou?” Au a qai kaya, “Koi au oqo. Mo ni talai au!”
9Maciu 13.14,15; Mari 4.12; Luke 8.10; Joni 12.40; Caka 28.26,27A sa kaya ko koya, “Mo lako, ka kaya vei ira na tamata oqo:
“ ‘Dou na rogoca tiko, ka lecava ga;
ia dou na raica tikoga, ka sega ga ni kunea.’
10Mo vakabibitaka na yalodra na tamata oqo,
ka vakadidivarataka na daligadra,
ka cakava me bobo na matadra;
de ra rai e matadra,
ka rogo e na daligadra,
ka kila e na lomadra,
ka saumaki mai, ka ra vakabulai.”
11Au a qai kaya, “Kemuni na Turaga, me cava na kena dede?” A sa kaya ko koya:
“Me lala mada na veikoro
me sega na lewena,
kei na veivale me sega na tamata e tiko kina,
kei na vanua me lala didi;
12me yacova ni sa kauti ira vakayawa tani na tamata ko Jiova,
ka sa levu na tikina e biu laivi e loma ni vanua.
13Ia ke sa na vo tu kina na kenai katini,
a ra na lesu mai, me vakarusai tale,
me vaka na paini se na oki,
ni sa musuki sobu ka sa bula tu na vuna.”
Sa na vakakina na kawa tabu e na vuna na kena bula tu.
Who We AreWhat We EelieveWhat We Do
2025 by iamachristian.org,Inc All rights reserved.
