1 Cesalonaika Nai Vakamacala Taumada - Ai Vola Tabu (Vakadewa Makawa Vakavoutaki 2021)（FRV21）

Nai Vakamacala TaumadaO Cesalonaika na koro turaga ni yasana vaka-Roma ko Masitonia. A tauyavutaka ko Paula e dua nai soqosoqo lotu mai kea ni oti na nona veisiko mai Filipai. A sega ni dede ni sa tubu cake na veisaqasaqa mai vei ira na Jiu era sa vuvutaka na vuavuai vinaka ni vakavuvuli Vakarisito ka a vunautaka voli ko Paula vei ira era sega ni Jiu ka ra sa malele tiko ki na lotu vaka-Jiu. Sa mani vakaukauwataki kina ko Paula me biuti Cesalonaika ka lako ki Peria. E muri ni sa la'ki tiko mai Korinica ko Paula, sa qai taura ko koya e dua nai tukutuku mai vei Timoci, na nona i lawalawa ka i tokani vakacakacaka, me baleta na veika sa yaco tiko vei ira nai soqosoqo lotu mai Cesalonaika.A sa volai kina Nai Matai ni Vola i Paula Vei Ira Mai Cesalonaika me vakayaloqaqataki ira, ka vakataudeitaka na lomadra na lewe ni Lotu Vakarisito mai kea. A vakavinavinakataka kina o koya nai tukutuku ni nodra vakabauta kei na nodra loloma. A sa vakananumi ira ena i tovo ni bula sa mai dusimaka voli o koya ena gauna era a tiko vata kina, ka sauma talega na veitaro eso sa basika mai vei ira na lewe ni lotu me baleta na lesu mai nei Karisito, me vakaoqo: Ena rawa beka vua e dua na tamata vakabauta ka sa mate oti ni se bera ni lesu mai na Karisito me na vakaivotavota ena bula tawa mudu sa kauta vata mai na Karisito ena nona lesu mai? Ena qai lesu beka mai ena gauna cava na Karisito? A vakayagataka ko Paula nai vola oqo me tukuna kina vei ira me ra qarava vakavinaka ga na nodra i tavi ena yalo vakacegu ka waraka ena vakanuinui na nona lesu mai na Karisito.Na Lewe ni VolaNai vakamacala taumada 1.1Na vakavinavinaka kei na veivakacaucautaki 1.2—3.13

Na veivakamasuti me muri nai tovo Vakarisito 4.1-12

Na veivakavuvuli eso me baleta na lesu mai nei Karisito 4.13—5.11

Nai otioti ni veivakauqeti 5.12-22

A Kena i tinitini 5.23-28