1Ia sa rogoca ko Jacoro na bete ni Mitiani, na vugoi Mosese, na ka kecega sa cakava na Kalou vei Mosese, kei ira na Isireli na nona tamata, ni sa kauti ira na Isireli mai Ijipita ko Jiova.
2 (ni sa kaya, “Sa vukei au na Kalou nei tamaqu, ka sa vakabulai au mai nai seleiwau i Fero”).
5Ia eratou sa lako mai vei Mosese ko Jacoro na vugoi Mosese, kei rau na luvena, kei na watina, ki na vanua lala sa tiko kina ko koya mai na ulunivanua ni Kalou.
6A sa kaya vei Mosese ko koya, “Koi au ko Jacoro na vugomu, keitou sa lako mai vei iko, kei na watimu, kei rau na luvena tagane.”
7A sa lako yani ko Mosese me tavaki vugona, a sa cuva, ka reguca; a rau sa veitarogi e na nodrau tiko vinaka; a ratou sa curu ki vale.
8A sa tukuna vua na vugona ko Mosese na ka kecega ka kitaka ko Jiova vei Fero kei ira na kai Ijipita e na vukudra na Isireli, kei na ka ni veivakaocataki kecega ka yacovi ira e na gaunisala, a sa vakabulai ira mai kina ko Jiova.
9A sa reki ko Jacoro e na vuku ni ka vinaka kecega sa cakava ko Jiova vei ira na Isireli, ka ni sa vakabulai ira ko koya mai na ligadra na kai Ijipita.
10A sa kaya ko Jacoro, “Me vakavinavinakataki ko Jiova, ko koya sa vakabulai kemuni mai na ligadra na kai Ijipita, kei na liga i Fero; ko koya sa vakabulai ira na tamata mai na ligadra na kai Ijipita.
11Au sa qai kila sa levu cake ko Jiova ka lailai na kalou kecega, ni sa uasivi vei ira ko koya e na ka era viavia turaga kina.”
12A sa vakacabora nai soro kama, kei nai madrali eso, vua na Kalou ko Jacoro na vugoi Mosese; a sa lako mai ko Eroni, kei ira kecega na qase ni Isireli, me ra kana vata kei na vugoi Mosese e na mata ni Kalou.
Na Nodra Lesi na Dauveilewai(Vakarua 1.9-18)13Ia e na mataka sa tiko ko Mosese me lewai ira na tamata, a ra sa tu e na mata i Mosese na tamata e na mataka ka yacova na yakavi.
14Ia ni sa raica na vugoi Mosese na ka kecega sa cakava ko koya vei ira na tamata, sa kaya ko koya, “A cava beka oqo ko sa kitaka vei ira na tamata? E vakaevei ni ko sa tiko duadua, a ra sa tu e matamu na tamata kecega e na mataka ka yacova na yakavi?”
15A sa kaya vua na vugona ko Mosese, “Ni ra sa lako mai vei au na tamata me'u taroga na Kalou.
16Ni sa dua na veileti vei ira, era sa qai lako mai vei au; ka'u sa qai lewa vei ira, ia ka'u sa vakatakila nai lesilesi ni Kalou, kei na nona vunau.”
17A sa kaya na vugoi Mosese vei koya, “Sa sega ni vinaka na ka ko sa cakava.
18Ko na malumalumu dina mai, ko iko kei ira na tamata oqo era sa tiko kei iko. Ni sa bibi vei iko na ka oqo; ko sa sega ni cakava rawa vakataki iko.
19Mo vakarorogo mada vei au, ka'u na vakavulici iko, ka me tiko ga kei iko na Kalou! Ko iko mo tiko e na kedra maliwa na tamata kei na Kalou, ka mo kauta kina na ka e veiletitaki vua na Kalou;
20ia mo vakavulici ira e nai lesilesi kei na vunau, ka vakatakila vei ira na sala me ra lako kina, kei na cakacaka me ra cakava.
21Ia mo lesia mada eso na tamata era kilikili yaga mai vei ira na tamata kecega, na tamata sa rerevaka na Kalou, na tamata vosa dina, ka sa cata na kocokoco; ka lesia vei ira na tamata, me tauyaudolu era lewa, me tauyadrau era lewa, me tauyalimasagavulu era lewa, ka me tauyatini era lewa.
22Ka me ra ia na veilewai vei ira na tamata e na veisiga kecega. Ia na ka lelevu kecega me ra kauta mai vei iko, ia na ka lalai kecega me lewa ga ko ira. Ena qai rawarawa vei iko, ka ra na veivuke kina kei iko e na cakacaka bibi oqo.
23Kevaka ko na cakava na ka oqo, ka sa vakaroti iko vakakina na Kalou, ko na qai tudei rawa, ka ra na lako vakacegu talega na tamata kecega oqo ki na nodra veiyasana.”
24A sa muria ko Mosese na vosa i na vugona, a sa kitaka na ka kecega sa kaya ko koya.
25A sa digitaka ko Mosese eso na tamata era kilikili yaga mai vei ira kecega na Isireli, a sa lesi ira me ra liu vei ira na tamata, me tauyaudolu era lewa, me tauyadrau era lewa, me tauyalimasagavulu era lewa, ka me tauyatini era lewa.
26A ra sa ia na veilewai vei ira na tamata e na veisiga kecega. Na ka dredre era sa kauta vei Mosese, ia na ka lalai kecega era sa lewa ko ira.
27A sa laiva na vugona ko Mosese me lako yani; a sa lesu tale yani ko koya ki na nona vanua.
Who We AreWhat We EelieveWhat We Do
2025 by iamachristian.org,Inc All rights reserved.
