Same 123 - Ai Vola Tabu (Vakadewa Makawa Vakavoutaki 2021)（FRV21）

A Masu ni Kere Yaloveivosoti A Sere ni cabecabe.

1Au na ta cake vei kemuni,

oi kemuni sa tiko mai lomalagi.

2Raica, me vaka sa rai mai na mata ni tamata ki na liga ni nodra turaga,

kei na mata ni vada

ki na liga i koya na nona marama,

sa rai vakakina na mata i keimami vei Jiova na neimami Kalou,

ka me yalololoma mada vei keimami ko koya.

3Mo ni yalololoma mai vei keimami, i Jiova, mo ni yalololoma mai vei keimami,

ni keimami sa beci vakalevu sara.

4Sa osooso vakalevu na yalo i keimami

e na nodra dauveivakalialiai era sa tiko vakacegu,

kei na nodra be na viavialevu.