Same 64 - Ai Vola Tabu (Vakadewa Makawa Vakavoutaki 2021)（FRV21）

A Masu ni Kere Veitaqomaki Vua nai liuliu ni sere. A Same i Tevita.

1Mo ni rogoca na domoqu, na Kalou, e na noqu masu;

mo ni maroroya na noqu bula me'u kakua ni rerevaka na meca.

2Vunitaki au mai na nodra vere lo na daucaka ca,

kei na nodra ue na daucaka cala,

3o ira era sa vagatara na yamedra me vaka nai seleiwau,

era sa navuca na nodra dakai me vanataka na nodra gasau, na vosa gaga,

4me ra vanai koya lo sa sega ni cala;

era vanavana vakidacala vua, ka ra sega ni rere.

5Era vakayaloqaqataki ira e na ka ca;

era bose me ra biri dai lo,

ni ra sa kaya, “O cei ena kunei ira?”

6Era sa vakasaqara na ka ca,

ka kaya, “Keitou sa qarava rawa na vakasaqaqara vagumatua.”

Ni sa ka titobu sara na nanuma ni lomadra kei na yalodra na tamata.

7Ia na Kalou ena vanai ira e na gasau;

era na vakamavoataki vakasauri.

8Era na vukica na yamedra me lauti ira vakai ira;

era na dro tani ko ira kece sa raici ira.

9Ka ra na rere na tamata kecega;

ka tukuna na cakacaka ni Kalou,

ka ra na nanuma vakavuku ki na nona cakacaka.

10Era na rekitaki Jiova

ka vakararavi vua ko ira na yalododonu.

Ka ra na vakavinavinaka ko ira kecega na yalodina.