1A sa vosa vei Mosese ko Jiova, ka kaya,
2“Mo vosa vei ira na Isireli, ka kaya vei ira: Sai au ko Jiova na nomudou Kalou.
3Mo dou kakua ni muria nai valavala ni vanua ko Ijipita, dou a tiko kina, kei nai valavala ni vanua ko Kenani, ka'u sa kauti kemudou kina, mo dou kakua ni muria. Mo dou kakua ni muria na nodra vunau.
4Na noqu lewa ga mo dou cakava, kei na noqu i lesilesi mo dou vakabauta, mo dou muria ga. Sai au ko Jiova na nomudou Kalou.
5Nie 9.29; Isi 18.9; 20.11-13; Luke 10.28; Roma 10.5; Kala 3.12O koya mo dou vakabauta kina na noqu vunau, kei na noqu lewa; o koya kevaka sa cakava ga na tamata, ena bula kina: sai au ko Jiova.
6“Me kakua e dua vei kemudou me mocera e dua na yalewa dou sa veiwekani dina kaya: sai au ko Jiova.
7Mo kakua ni mocera na tinamu, o koya erau sa veimoceri kei tamamu; sa tinamu dina ko koya, mo kakua ni moce vata kaya.
8Vsoro 20.11; Vrua 22.30; 27.20Mo kakua ni moce vata kaya na wati tamamu; erau sa veimoceri kei tamamu ko koya.
9Vsoro 20.17; Vrua 27.22Mo kakua ni mocera na ganemu, se sa luve i tamamu, se sa luve i tinamu, se sa sucu mai nomudou, se sa sucu tani, mo kakua ni moceri ira.
10Mo kakua ni mocera na makubumu, se sa luvena yalewa na luvemu tagane, se sa luvena yalewa na luvemu yalewa, ni rau a tubu vua e dua drau a moce vata kaya.
11Mo kakua ni moce vata kei na luve i tamamu ka yalewa, o koya sa vakasucuma vua ko watina, sa ganemu ko koya.
12Vsoro 20.19,20Mo kakua ni moce vata kei na gane i tamamu; ni sa wekana dina na tamamu ko koya.
13Mo kakua ni moce vata kei na taci tinamu, se tuakana, ni sa wekana dina na tinamu ko koya.
14Mo kakua ni moce vata kei na wati tamamu lailai, sa tinamu lailai ko koya.
15Vsoro 20.12Mo kakua ni mocera na watina na luvemu tagane; mo kakua ni ca kaya.
16Vsoro 20.21Mo kakua ni mocera na watina na tuakamu, se na watina na tacimu.
17Vsoro 20.14; Vrua 27.23Mo kakua ni mocera e dua na yalewa, kei na luvena yalewa, se dua na makubuna yalewa; ni ratou sa veiwekani dina; oqo na ka ca.
18Mo kakua talega ni vakawati kei na tuakana na watimu se na tacina, ni sa bula tiko ko koya, mo vakararawataki koya kina.
19 Vsoro 20.18 “Mo kakua talega ni mocera e dua na yalewa e na gauna sa vakatabui tu kina, ni tauvi koya na mate vakayalewa.
20Vsoro 20.10Mo kakua talega ni mocera na watina na kai nomu, mo vakavelavelataki iko vata kaya.
21Vsoro 20.1-5Ia mo kakua ni vakacabora e dua na luvemu e na bukawaqa vei Moloke, ia mo kakua ni vakacacana na yaca ni nomu Kalou: sai au ko Jiova.
22Vsoro 20.13Mo kakua ni koto vata kaya na tagane me vaka kei na yalewa; oqo sa ka vakasisila.
23Lako 22.19; Vsoro 20.15,16; Vrua 27.21Mo kakua talega ni koto kaya e dua na manumanu ka vakadukadukalitaki iko kina; me kakua talega na yalewa me tu e mata ni manumanu me koto vua; oqo na ka ni veivakamaduataki.
24“Dou kakua ni vakadukadukalitaki kemudou e na dua na ka vakaoqo, ni ra sa vakadukadukalitaki e na ka kecega oqo ko ira na veimatanitu ka'u sa vakaseva tani e na matamudou.
25A sa dukadukali na vanua; o koya ka'u sa sauma kina na kenai valavala ca, ia na vanua sa luaraka tani na lewena.
26Ia mo dou vakabauta ga na noqu vunau, kei na noqu lewa, ka mo dou kakua ni kitaka e dua na ka vakasisila oqo; se na kai nomu se na kai tani sa tiko vulagi kei kemudou
27(ni ra sa kitaka na ka vakasisila kecega oqo ko ira na lewe-ni-vanua era tiko kina eliu vei kemudou, a sa vakadukadukalitaki na vanua),
28me kakua ni luaraki kemudou talega na vanua, ni dou sa vakadukadukalitaka, me vaka ka luaraka na matanitu era tiko kina eliu vei kemudou.
29Ia ko ira kecega era kitaka e dua na ka vakasisila oqo, io na tamata era kitaka, era na muduki tani vei ira na kai nodra.
30O koya mo dou vakabauta kina na noqu vunau, mo dou kakua ni kitaka e dua nai valavala vakasisila oqo, sa caka eliu ni dou se bera ni yaco kina, mo dou kakua ni vakadukadukalitaki kemudou kina: sai au ko Jiova na nomudou Kalou.”
Who We AreWhat We EelieveWhat We Do
2025 by iamachristian.org,Inc All rights reserved.
