Same 15 - Ai Vola Tabu (Vakadewa Makawa Vakavoutaki 2021)（FRV21）

Na Veika e Gadreva na Kalou A Same i Tevita.

1I Jiova, o cei ena tiko e na nomuni vale?

O cei ena tiko vakadua e na nomuni ulunivanua tabu?

2O koya sa lako vakadodonu, ka kitaka nai valavala dodonu,

ka vosa dina tiko mai na vu ni yalona;

3o koya sa sega ni kakase na yamena,

ka sega ni caka ca vua na kai nona,

ka sega ni vosa vakacacataka na nona i tokani;

4ka sa cata na tamata velavela na matana,

ia sa dokai ira ga era sa rerevaki Jiova;

ka sa tudei e na nona bubului ka veitalia kevaka e mosi;

5sa sega ni solia na nona i lavo me rui levu kina na kenai kere,

ka sega ni taura nai solisoli ni veivaqumi vua na tamata dodonu.

O koya sa kitaka na ka oqo ena sega sara ni yavalati rawa.