1E na vuku ni kedra wasei nai vakatawa-ni-katuba: vei ira na luve i Kora: ko Meselimaia na luve i Kore ka tagane, vei iratou na tagane na luve i Esava.
2Ia ko iratou na luve i Meselimaia ka tagane: ko Sakaraia na ulumatua, ko Jitieeli nai karua, ko Sepataia nai katolu, ko Jacinieli nai kava,
3ko Ilama nai kalima, ko Jioanani nai kaono, ko Elioenai nai kavitu.
42Samu 6.11; 1Vei 13.14Ia ko iratou na luve i Opeti-itomi ka tagane: ko Semaia na ulumatua, ko Jiosevata nai karua, ko Joa nai katolu, kei Sakari nai kava, kei Nicaneli nai kalima,
5ko Amieli nai kaono, ko Isakari nai kavitu, ko Piulicei nai kawalu, ni sa vakalougatataki koya na Kalou.
6Ka sa sucu eso na gonetagane na luve i Semaia na nona ulumatua, a ratou sa lewa e na vale ni nodratou qase, ni ratou sa tamata qaqa.
7Ko iratou oqo na luve i Semaia ka tagane: ko Ocini, kei Rifaeli, kei Opeti, ko Elisapati, a sa tamata kaukauwa na tacina, ko Ilaiu, kei Simakaia.
8Ko iratou na tagane kecega oqo era sa luve i Opeti-itomi kei na luvedra, kei na tacidra, era sa tamata kaukauwa ki na cakacaka, era sa lewe onosagavulu ka rua vei Opeti-itomi.
9Ia na luve i Meselimaia ka tagane kei na tacina, era sa lewe tinikawalu, ka ra tamata qaqa.
10Ko Osa talega vei ira na luve i Mirari, sa so na luvena tagane: ko Simiri sa turaga (sa sega ni ulumatua, ia sa buli koya ga ko tamana me veiliutaki),
11ko Ilikaia nai karua, ko Tipalaia nai katolu, ko Sakaraia nai kava: ko ira kece na luvena tagane kei na taci Osa sa le tinikatolu.
12Sa mai vei ira oqo na mata i vakatawa-ni-katuba, io mai vei ira na tamata turaga, a ra sa vakatawa na mata ni koro sa veidonui, me ra cakacaka e na vale i Jiova.
13A ra sa ia na vakawiri madigi e na vuku ni matamata-ni-koro kece, ko ira sa lalai kei ira sa lelevu, me vaka na veimatavuvale ni nodra qase.
14A sa bale vei Selemaia na yasana sa vaka ki na tokalau. Ka ra sa ia na vakawiri madigi e na vuku i Sakaraia na luvena tagane, na dauvakavuvuli vakavuku, a sa nona i tavi vaka ki na vualiku.
15Sai tavi i Opeti-itomi, vaka ki na ceva; vei ira talega na luvena tagane, na valeniyau.
16Kivei Supimi kei Osa vaka ki na ra, kei na matamata-ni-koro ko Salekeci, e voleka ki na salatu sa lako cake, sa veidonui na nodra veiyasana.
17Sa lewe ono vei ira na Livai vaka ki na tokalau, sa le va e na veisiga ki na vualiku, sa le va ena veisiga ki na ceva, ia ki na valeniyau sa tauyarua.
18Mai Paripari vaka ki na ra, sa le va ki na salatu, ka le rua mai Paripari.
19Sai koya oqo na kedrai wasewase nai vakatawa-ni-katuba vei ira na luve i Kora ka tagane, vei ira talega na luve i Mirari ka tagane.
20Ia vei ira na Livai, sa vakatawa ko Eaija nai yau ni vale ni Kalou, kei nai yau ni ka sa vakatabui tu.
21O iratou na luve i Latani ka tagane, ko iratou na luve i Latani na luve i Kerisoni, eratou sa qase turaga, io na nei Latani na luve i Kerisoni: ko Jieli.
22Oi rau na luve i Jieli ka tagane, ko Secami kei Joeli na tacina, koi rau sa lewa nai yau ni vale i Jiova.
23Vei ira na luve i Emirami, ko ira na luve i Isari, ko ira na luve i Epironi, ko ira na luve i Usieli,
24a sa lewa nai yau ko Sipueli na luve i Kerisomi ka tagane, na luve i Mosese ka tagane.
25Kei iratou na tacina vei Iliesa: ko Riapaia na luvena tagane, kei Jesaia na luvena tagane, kei Jorami na luvena tagane, kei Sikiri na luvena tagane, kei Silomeci na luvena tagane.
26O Silomeci oqo, kei iratou na tacina, eratou sa maroroya nai yau kecega sa tabu tu, na ka sa vakatabuya ko Tevita na tui, kei ira na qase turaga, kei ira sa turaga vei ira na veiyayaudolu kei na veiyayadrau, kei ira na kavetani e na mataivalu.
27Era sa vakatabuya eso mai nai toki-ni-valu, me yaga ki na vale i Jiova.
28Sa okati talega kina na ka kecega sa vakatabuya ko Samuela na daurai, kei Saula ka tagane na luve i Kisi, kei Epineri na luve i Neri ka tagane, kei Joape na luve i Seruwaia ka tagane—ni veika kecega ka sa vakatabui sa tiko ga vei Silomeci kei iratou na tacina.
29Vei ira na luve i Isari sa nodra i tavi na cakacaka e tautuba, me ra ovisa ka mataveilewai vei ira na Isireli, ko Kinanaia kei iratou na luvena tagane.
30Vei ira na luve i Epironi, ko Esapaia kei ira na tacina, e le dua na udolu ka vitu na drau na tamata qaqa, era turaga vei ira na Isireli e na tai ni Joritani oqo mai na ra, e na cakacaka kecega i Jiova, kei na nona cakacaka talega na tui.
31Vei ira na luve i Epironi, sa turaga ko Jiraija, io vei ira na luve i Epironi, me vaka nai tabatamata ni nona qase. Sa vakasaqarai ko ira oqo e nai kavasagavulu ni yabaki ni lewa i Tevita, ka sa kune vei ira mai Jaseri e Kiliati eso na tamata qaqa.
32Ia ko ira na wekana, sa tamata qaqa, era sa le rua na udolu ka vitu na drau na qase turaga, sa buli ira ko Tevita na tui me ra lewai ira na Rupeni, kei ira na Kata, kei na yavusa-veimama i Manasa, e na ka kecega ni Kalou, kei na ka ni tui.
Who We AreWhat We EelieveWhat We Do
2025 by iamachristian.org,Inc All rights reserved.
