1 Lako 20.16; Vsoro 19.11,12; Vrua 5.20 “Dou kakua ni vakadinata e dua nai rogorogo lasu; mo dou kakua ni vukei koya na tamata ca, ni dou sa vakadinadina vakatawadodonu.
2Mo dou kakua ni muri ira na lewe vuqa me caka ca; mo dou kakua talega ni vosa vata kei ira na lewe vuqa e na ka e lewai tiko, me vakatanitaki na lewa.
3Vsoro 19.15Mo dou kakua talega ni vukea vakatawadodonu na dravudravua e na nona veilewai.
4 Vrua 22.1-4 “Kevaka dou sa kunea na nona bulumakau se nona asa na nomu meca ni sa lako sese, mo kauta sara tale vua.
5Kevaka ko sa raica na asa nei koya sa cati iko ni sa koto e ruku ni nona i colacola, mo kua so ni laiva vei koya, mo drau veivuke vata kaya ga.
6 Vsoro 19.15; Vrua 16.19 “Mo dou kakua ni kauta vakatani na lewa vua na nomu dravudravua, e na nona veileti.
7Mo dou yawa ki na ka lasu; kakua talega ni vakamatea na tawa cala, kei na yalododonu, ni'u na sega ni vakadonui koya na tamata ca.
8Mo dou kakua ni taura nai solisoli ni veivaqumi, ni sa vakamatabokotaki ira era rai vinaka nai solisoli ni veivaqumi, ka kauta vakatani na nodra vosa na yalododonu.
9 Lako 22.21; Vsoro 19.33,34; Vrua 24.17,18; 27.19 “Dou kakua ni vakasaurarataka na vulagi; ni dou sa kila na yalo ni vulagi, ni dou a vulagi mai na vanua ko Ijipita.
Nai Kavitu ni Yabaki kei nai Kavitu ni Siga10 Vsoro 25.1-7 “E ono na yabaki mo dou tea kina na nomudou vanua, ka kumuna na vuana;
11ia e na kenai kavitu mo laiva mada me lumulumu; me ra kana kina ko ira na kai nomu era sa dravudravua; ia na ka era vakavoca, me kania na manumanu ni vanua. Mo dou cakacaka vakakina ki na nomudou veivaini, kei na nomudou veiolive.
12 Lako 20.9-11; 31.15; 34.21; 35.2; Vsoro 23.3; Vrua 5.13,14 “E ono na siga mo dou kitaka kina na nomudou cakacaka, ia e na kenai kavitu ni siga mo dou vakacegu, me vakacegu kina na nomu bulumakau kei na nomu asa, ka me kaukauwa kina na luvena na nomu vada, kei na vulagi.
13“E na ka kecega ka'u sa kaya vei kemudou, dou rogoca ka qarauna vinaka. Ia dou kakua ni kaciva na yacadra na kalou tani; me kakua ni rogo mai na gusumudou.
Na Solevu Tabu e Tolu(Lako Yani 34.18-26; Vakarua 16.1-17)14“Mo dou cakava vakatolu na soqoni levu vei au e na dua na yabaki.
15Lako 12.14-20; Vsoro 23.6-8; Tiko 28.17-25Mo cakava na soqoni levu ni madrai sa sega ni vakaleveni. Mo kania na madrai sa sega ni vakaleveni ka bogi vitu, me vaka ka'u a vakarota kina vei kemudou, e na gauna sa lokuci, e na vula ko Epipi, ni ko a lako mai kina mai Ijipita.
Ia me kakua ni dua me lako wale mai vei au.
16 Vsoro 23.15-21; Vsoro 23.39-43; Tiko 28.26-31 Dou cakava na soqoni levu ni magomago, nai sevu ni nomudou cakacaka dou a tea e na nomudou veiwere, kei na soqoni levu ni kumukumuni ni sa cava na yabaki, ni dou sa kumuna vata oti na nomudou cakacaka mai na veiwere.
17Me rairai vakatolu e na matai Jiova na Turaga ko ira kecega na nomudou tagane e na dua na yabaki.
18“Dou kakua ni cabora vata kei na madrai sa vakaleveni na dra ni noqu i soro; ia me kakua ni vo me yacova na mataka na uro ni noqu i soro.
19 Vrua 26.2; Lako 34.26; Vrua 14.21 “Ai sevu sa liu sara e na nomudou vanua mo dou kauta ki na vale i Jiova na nomudou Kalou.
“Dou kakua ni vakasaqa na luve ni me e na wai-ni-sucu i tinana.
Vosa ni Yalayala me Baleta na Rawai nei Kenani20“Raica, ka'u sa tala e dua na agilosi me liutaki kemudou, me maroroi kemudou e na sala, ka me vakayacori kemudou ki na yasana ka'u sa vakarautaka oti.
21Dou qarauni kemudou e na vukuna, ka vakarorogo ki na domona; dou kakua ni vakacudruya, ni na sauma ko koya na nomudou caka cala; ni sa tiko vua na yacaqu.
22“Ia kevaka dou sa vakarorogo sara ki na domona, ka kitaka na ka kecega ka'u sa kaya; au na qai nodra meca na nomu meca, ka vakararawataki ira era sa vakararawataki kemudou.
23“Ni na liutaki kemudou na noqu agilosi, ka kauti kemudou vei ira na Amoraiti, kei na Itaiti, kei na Perisaiti, kei na kai Kenani, na Aivaiti, kei na Jepusaiti, ka'u na muduki ira tani.
24Mo dou kakua ni cuva ki na nodra kalou, se qaravi ira, se muria na nodra i valavala; ia mo vukici ira sara ga, ka basuka sobu sara na nodra matakau.
25Mo dou qaravi Jiova ga na nomudou Kalou, ena qai vakalougatataka ko koya na kemu kakana kei na memu wai; ia ena sega ni tauvi kemudou na mate.
26Ena sega e dua me vakalutu dole se yava e na nomudou vanua; au na vakayacora ga nai wiliwili ni nomu siga.
27Au na tala na noqu veivakatarerei e matamudou, ka vakataqayataka na tamata kecega dou na yaco yani kina; ia ka'u na vakubutaki ira kecega na nomudou meca me ra dro e matamudou;
28ia ka'u na tala e dua na lagotavuivui rerevaki me liutaki kemudou, ia ena vakasavi ira tani e matamudou na Aivaiti, kei na kai Kenani, kei na Itaiti.
29Au na sega ni vakaseva tani e matamudou e na dua na yabaki; de lala na vanua, ka sa levu mai vei kemudou na manumanu ni veikau.
30Au na vakaseva tani vakamalua tiko e matamudou, mo dou lewe levu mada mai, ka taukena na vanua.
31Ia ka'u na yalayalana na nomudou vanua ka vakatekivu mai na Wasa Damudamu ka yacova na nodra wasawasa na kai Filisitia, ka vakatekivu tale mai na vanua dravuisiga ka yacova na Uciwai; ni'u na solia ki na ligamudou na lewe-ni-vanua; ia dou na vakasavi ira tani e matamudou.
32Dou kakua ni veiyalayalati kei ira, se kei ira na nodra kalou.
33Me ra kakua ni tiko e nomudou vanua, de ra vakacalai kemudou vei au; ia kevaka dou qaravi ira na nodra kalou, dou na tacori dina kina.”
Who We AreWhat We EelieveWhat We Do
2025 by iamachristian.org,Inc All rights reserved.
