Vunau ni Soro 24 - Ai Vola Tabu (Vakadewa Makawa Vakavoutaki 2021)（FRV21）

Na Kena Qarauni na Cina(Lako Yani 27.20-21)

1A sa vosa vei Mosese ko Jiova, ka kaya,

2Mo vakaroti ira na Isireli, me ra kauta mai vei iko na waiwai olive makare sa lautuki, me yaga e na cina, me caudre tikoga kina na cina.

3Me vakarautaka ko Eroni, mai taudaku ni lati ni kato ni vunau, e na vale ni veitavaki, me caudre tikoga mai na yakavi me yacova na mataka, e na mata i Jiova; oqo sa kenai lesilesi ka tawa mudu e na nomudou veitabatamata.

4Me vakarautaka tikoga ko koya na veicina e nai tutu-ni-cina makamakalivata, e na mata i Jiova.

Na Madrai e Cabori Vua na Kalou

5 Lako 25.30 “Ia mo kauta na madrai droka vinaka, ka vavia e tinikarua na keke; me rua na omeri e na dua na keke.

6Mo qai tuva me yatu rua, me yaono na yatu yadua, e na dela ni tepeli makamakalivata e na mata i Jiova.

7Mo qai viritura na drega dina me vakamai e na dela ni yatu kadua, me tu ki na madrai me dauveivakananumi, io nai madrali sa cabori e na bukawaqa vei Jiova.

8Me vakatura vinaka tikoga ko koya e na mata i Jiova e na veisiga ni vakacecegu kecega, e na vukudra na Isireli e na veiyalayalati sa sega ni mudu.

9Maciu 12.4; Mari 2.26; Luke 6.4Ia ena kedratou ko Eroni kei na luvena; me ra kania e na tikina tabu: ni sa nona tiki ni madrali tabu sara mai na veimadrali sa cabo vei Jiova e na bukawaqa, oqo nai vakaro ka sega ni mudu.”

Vakaraitaki ni Totogi e Matau ka Dodonu

10A sa dua na luve ni yalewa ni Isireli, sa kai Ijipita na tamana, sa lako yani ki na kedra maliwa na Isireli; ka rau a veivala e nai tikotiko, na luve ni yalewa ni Isireli oqo, kei na dua na tagane ni Isireli;

11a sa vosavakacacataka na Yaca i Jiova ko koya na luve ni yalewa ni Isireli, ka ruru. A ra sa kauti koya vei Mosese—ia oqo na yaca i tinana ko Silomeci, na luve i Tipiri, e na yavusa i Tani—

12ka ra sa tauri koya vakavesu, me yacova ni sa matata vei ira na lewa i Jiova.

13A sa vosa vei Mosese ko Jiova, ka kaya,

14“Mo kauti koya sa ruru ki nai bili ni tikotiko; ia ko ira kecega sa rogoci koya, me ra tabaka na uluna e na ligadra, me ra qai vakavirika e na vatu ko ira nai soqosoqo taucoko.

15Ia mo vosa vei ira na Isireli, ka kaya, Ko koya yadua sa rukaka na nona Kalou me cudruvi e na vuku ni nona i valavala ca.

16Ia ko koya sa vosavakacacataka na yaca i Jiova, me sa vakamatei vakaidina. Era na vakavirika vakaidina e na vatu ko ira nai soqosoqo taucoko. Na vulagi se nai taukei, ni sa vosavakacacataka na Yaca ko ya, ena vakamatei.

A Mata me i Sau ni Mata

17 Lako 21.12 “Ia ko koya sa mokuta-mate e dua na tamata, me vakamatei vakaidina ko koya.

18Kei koya sa mokuta-mate na manumanu e yavai va, me sauma na manumanu ko ya e na dua sa tautauvata.

19Ia kevaka sa vakamavoataka na kai nona e dua na tamata, ena caka vua me vaka sa kitaka ko koya;

20Lako 21.23-25; Vrua 19.21; Maciu 5.38a mavoa mei sau ni mavoa, a mata mei sau ni mata, a bati mei sau ni bati; me vaka sa vakamavoataka e dua na tamata ko koya, ena caka vaka talega kina vua.

21Io ko koya sa vakamatea na manumanu e yavai va, me sauma me vakatautauvata, ia ko koya sa vakamatea na tamata me vakamatei.

22Tiko 15.16Me dua ga na nomudou i vakaro vei koya na vulagi kei koya nai taukei; ni sai au ko Jiova na nomudou Kalou.”

23A sa vosa vei ira na Isireli ko Mosese, ka ra qai kauti koya ka ruru ki nai bili ni koro, ka vakavirika e na vatu. A ra sa kitaka na Isireli, me vaka ka vakarota vei Mosese ko Jiova.