1 Tiko 20.2-13 A ra sa toki tani mai na vanua lala ko Sini nai soqosoqo taucoko ni Isireli, e na nodra i lakolako, me vaka na vosa i Jiova, ka la'ki tiko mai Rifitimi. A sa sega na wai me ra gunuva ko ira na tamata.
2A ra sa veileti kina na tamata kei Mosese, ka kaya, “Mo solia mai vei keimami na wai me keimami gunuva.” A sa kaya vei ira ko Mosese, “A cava dou sa veileti kina kei au? A cava dou sa vakatovolei Jiova kina?”
3Ia era sa viagunu wai mai kea na tamata; a ra sa didivaki Mosese ko ira na tamata, ka kaya, “A cava ko sa kauti keimami tani kina mai Ijipita, mo mai vakamatei keimami, kei na neimami gone, kei na neimami manumanu e yavai va e na viagunu?”
4A sa tagi kina vei Jiova ko Mosese, ka kaya, “A cava me'u kitaka vei ira na tamata oqo? Sa vo vakalailai me ra vakaviriki au e na vatu.”
5A sa kaya vei Mosese ko Jiova, “Mo lako yani e na matadra na tamata, ka kauta vata kei iko eso vei ira na qase ni Isireli; ka taura e ligamu na nomu i titoko ko a yavita kina na uciwai na Naile, ka lako.
6Raica, ka'u na la'ki tu e matamu mai kea e na dela ni uluvatu mai Orepi. Mo qai yavita na vatu, ka na vure mai kina na wai, me ra gunu kina na tamata.” A sa vakayacora oqo ko Mosese e na matadra na qase ni Isireli.
7A sa vakayacana na yasana ko ya ko koya ko Masa, kei Meripa, e na vuku ni nodra veileti na Isireli, ni ra sa vakatovolei Jiova talega, ni ra kaya, “Sa tiko beka kei keda ko Jiova, se segai?”
Nai Valu kei Ira na Amaleki8Sa qai lako mai na Amaleki, ka veivala kei Isireli mai Rifitimi.
9A sa kaya vei Josua ko Mosese, “Mo digitaka vei keda eso na tamata, ka lako yani me veivala kei Amaleki. E na mataka ka'u na la'ki tu e na dela ni vanua-cecere, kei nai titoko ni Kalou e ligaqu.”
10A sa kitaka ko Josua me vaka ka kaya vua ko Mosese, ka vala kei Amaleki; a ratou sa cabe ki dela ni vanua-cecere ko Mosese, ko Eroni, kei Uri.
11A sa yaco, ni sa dulaka tiko na ligana ko Mosese, sa qai gumatua na Isireli; ia ni sa vakasavuya sobu na ligana ko koya, sa qai gumatua na Amaleki.
12Ia sa bibi mai na liga i Mosese; a rau sa kauta e dua na vatu, me nona i dabedabe, a sa dabe kina ko koya. Ia ko Eroni kei Uri, erau sa tabea cake na ligana, e dua vaka, ka dua vaka. A sa dei kina na ligana ka yacova na kena dromu na mata-ni-siga.
13A sa vakamalumalumutaki Amaleki kina kei na nona tamata ko Josua e nai seleiwau.
14 Vrua 25.17-19; 1Samu 15.2-9 A sa qai kaya vei Mosese ko Jiova, “Mo vola oqo e nai vola me daunanumi, ka tukuna sara vei Josua ni'u na vakawabokotaki Amaleki laivi mai na ruku i lomalagi, me kakua tale ni nanumi.”
15A sa cakava e dua nai cabocabo-ni-soro ko Mosese, ka vakayacana ko Jiova-nisi;
16a sa kaya, “Sa bubului ko Jiova ni na vala kei Amaleki ko Jiova e nai tabatamata kecega.”
Who We AreWhat We EelieveWhat We Do
2025 by iamachristian.org,Inc All rights reserved.
