Same 122 - Ai Vola Tabu (Vakadewa Makawa Vakavoutaki 2021)（FRV21）

Me Vakacaucautaki ko Jerusalemi A Sere ni cabecabe. A nei Tevita.

1Au a reki ni ra kaya vei au,

“Tou mai lako ki na vale i Jiova!”

2Ena tu na yava i keimami

e loma ni nomu matamata-ni-koro, Jerusalemi.

3Ko Jerusalemi—sa tara me dua na koro

ka sa vauci vata vakavinaka sara.

4Era sa lako cake kina na veiyavusa,

na veiyavusa i Jiova,

nai lesilesi vei ira na Isireli,

me ra ia na vakavinavinaka ki na yaca i Jiova.

5Ni sa tu mai kina nai tikotiko ni veilewai,

na nodra i tikotiko vakaturaga na vale i Tevita.

6Dou masulaka na tiko sautu e Jerusalemi!

“Me ra na tiko vinaka ko ira sa lomani iko!

7Me yaco na sautu e na nomu lomanibai,

kei na bula taqomaki e na nomu veivale vakaturaga.”

8E na vukudra na wekaqu kei na kai noqu

au na kaya, “Me tiko vei iko na vakacegu!”

9E na vuku ni vale i Jiova na neimami Kalou,

ka'u na qara na ka mo vinaka kina.