1 Maciu 27.46; Mari 15.34 Noqu Kalou, Noqu Kalou, O ni sa biuti au e na vuku ni cava?
A cava ko ni sa yawa kina ka sega ni vakabulai au, se rogoca na vosa ni noqu vutugu?
2Noqu Kalou, au sa tagi e na siga, ia ko ni sa sega ni rogo mai;
kei na bogi talega, ia ka'u sa sega ni vakacegui.
3Ia ko ni sa yalosavasava ga,
koi kemuni sa dautiko kei na nodra vakavinavinaka na Isireli.
4Sa vakararavi vei kemuni ko ira na tama i keimami;
era a vakararavi vei kemuni, ia ko ni a vakabulai ira.
5Era a tagi vei kemuni, a ra sa vakabulai;
era a vakararavi vei kemuni, a ra sa sega ni vakamaduataki.
6Ia koi au na baca ni qele, ka'u sa sega ni tamata;
era sa vakasewasewani au na tamata, a ra sa beci au ko ira na lewe vuqa.
7 Maciu 27.39; Mari 15.29; Luke 23.35 Era sa dredrevaki au ko ira kece era sa raici au;
era vakabegusu, era sa kureitaka na uludra, ka kaya;
8 Maciu 27.43 “Sa vakararavi vei Jiova ko koya oqo me vakabulai koya—
me qai vakabulai koya ga, ni sa rekitaki koya!”
9Ia sai kemuni sa kauti au mai na kete i tinaqu;
o ni sa maroroi au ni'u sa sucuma tiko na sucu i tinaqu.
10Au a biu tu ga vei kemuni ni'u sa qai sucu,
oi kemuni ka noqu Kalou ni'u sa qai lako mai na kete i tinaqu.
11Mo ni kakua ni yawa tani vei au,
ni sa toro voleka mai na rarawa
ka sa sega e dua me vukei au.
12Sa ka levu na bulumakau tagane era sa vakavolivoliti au,
sa tu vakavolivoliti au na bulumakau tagane kaukauwa ni Pasani;
13sa dalaga vei au,
me vaka na laione sa dauveidresulaki ka dautagi.
14Au sa sovaraki yani me vaka na wai,
ka sa mavule kecega nai sema ni suiqu;
sa vaka na drega ni vola na yaloqu;
sa waicala e loma ni ketequ;
15sa mamaca na noqu kaukauwa me vaka nai caca ni bilo,
ka sa kabi ki na galegalequ na yamequ;
o ni sa kauti au ki na kuvu-ni-soso ni mate.
16Ni sa vakavolivoliti au ko ira na koli;
era sa vakavolivoliti au nai soqosoqo ni tamata lomaca.
Era sa coka na ligaqu kei na yavaqu;
17Au sa rawa ni wilika kece na suiqu.
Era sa wanonovi au ka vakaraici au matua;
18 Maciu 27.35; Mari 15.24; Luke 23.34; Joni 19.24 era sa vota vei ira na noqu i sulu,
ka ra sa vota na noqu i tutuvi e na vakawiri madigi.
19Ia koi kemuni, Jiova, mo ni kakua ni yawa tani vei au!
Na vu ni noqu kaukauwa, mo ni kusarawa me vukei au!
20Ni vakabula na yaloqu mai nai seleiwau,
na noqu ka talei duaduaga mai na kaukauwa ni koli!
21Ni vakabulai au mai na gusu ni laione!
Ni kemuni a rogoci au mai nai leu ni iunikoni.
22 Ipe 2.12 Au na vakatusa na yacamuni vei ira na wekaqu;
e na kedra maliwa nai soqosoqo lotu ka'u na vakavinavinaka vei kemuni.
23Oi kemudou sa rerevaki Jiova, dou vakavinavinaka vua!
Dou vakacaucautaki koya, koi kemudou kecega na kawa i Jekope;
dou rerevaki koya, koi kemudou kecega na kawa i Isireli!
24Ni sa sega ni beca se cata
na rarawa ni tamata sa vakararawataki;
ka sa sega ni vunia vua na matana,
ia sa rogoci koya, ni sa tagi vua.
25Au na vakamolimoli ga vei kemuni e nai soqosoqo levu;
na ka ka'u a yalataka ka'u na kitaka e na matadra era rerevaki koya.
26Era na kana ka mamau ko ira sa yalomalumalumu;
era na vakavinavinaka vei Jiova ko ira era sa vakasaqarai koya.
Ena bula na yalomudou ka sega ni mudu!
27Era na vakanananu kecega nai yalayala kei vuravura
ka saumaki vei Jiova;
era na lotu e matamuni
ko ira kecega na veimataqali ni veivanua.
28Ni sa nei Jiova na matanitu,
ia ko koya ga sa turaga vei ira na veimatanitu.
29O ira kecega era sa levulevu e vuravura, era na kana ka lotu;
kei ira kecega era lako sobu ki na kuvu-ni-soso era na cuva vua,
io, ko koya ka sega ni vakabula rawa na yalona.
30Ena qaravi koya e dua na kawa;
ena okati vua na Turaga me nona kawa,
31era na lako mai ka vakatusa na nona yalododonu, vei ira na tamata era na sucu mai,
ni sa cakava oqori ko koya.
Who We AreWhat We EelieveWhat We Do
2025 by iamachristian.org,Inc All rights reserved.
