Same 129 - Ai Vola Tabu (Vakadewa Makawa Vakavoutaki 2021)（FRV21）

A Masu me Vakadrukai na Meca A Sere ni cabecabe.

1“Sa ka levu sara na nodra vakararawataki au mai na gauna ka'u a cauravou kina”

—me qai kaya mada oqo ko Isireli—

2“Sa ka levu sara na nodra vakararawataki au mai na gauna ka'u a cauravou kina,

ia era sa sega ga ni gumatua rawa vei au.

3Era a cukita na dakuqu ko ira na daucuki;

ka ra vakabalavutaka na nodra i tova.”

4Sa yalododonu ko Jiova;

sa cebedrutia laivi nai vau ni tamata i valavala ca.

5Me ra vakamaduataki ka vakalesui ki muri,

ko ira era sa cati Saioni.

6Me ra vaka na co mai na dela ni veivale,

o koya sa malai yani ni sa sega ni tubu vinaka,

7sa sega ni tawa kina na liga i koya sa dautamusuki sila;

se na lomasere i koya sa vau sila,

8a ra sa sega talega ni kaya ko ira era sa lako voli kina,

“Me vakalougatataki kemudou mada ko Jiova!

Keitou sa vosavakalougatataki kemudou e na yaca i Jiova!”