1Ia koi au, au sa sega ni vosa rawa vei kemudou, na veiwekani, me vaka vei ira era sa vakayalo, me vaka vei ira era sa vakayago ga, me vaka vei ira era sa gone lalai e na nodra tu vata kei Karisito.
2Ipe 5.12,13Au sa vagunuvi kemudou e na wai-ni-sucu, ka segai e na kakana dina, ni dou a sega ni rawata. Edaidai talega dou sa sega ni rawata,
3ni dou sa vakayago tikoga. Dou sa sega li ni vakayago tu ka i valavala vakatamata, ni sa tu vei kemudou na vuvu, kei na veileti?
41Kori 1.12Dou sa sega li ni vakayago, ni sa kaya tiko e dua, “Oi au sa nei Paula,” ka dua tale, “Oi au sa nei Apolosa?”
5Ia ko cei ko Apolosa? Se ko cei ko Paula? A dauveiqaravi walega dou sa vakabauta e na vukudrau, me vaka sa solia na Turaga ki na tamata yadua.
6Caka 18.4-11,24-28Au sa tea koi au, sa vakasuasuataka ko Apolosa, ia na Kalou ga sa vakatubura.
7Sa qai ka wale kina ko koya sa tea, kei koya sa vakasuasuataka, ia sa levu duaduaga na Kalou, o koya sa vakatubura.
8Erau sa tautauvata sara ko koya sa tea kei koya sa vakasuasuataka, ia na tamata yadua ena rawata na kenai sau me vaka na nona cakacaka.
9Ni da sa dauveiqaravi ni Kalou, ka daucakacaka vata kei koya; dou sa were ni Kalou, dou sa vale ni Kalou.
10Me vaka na loloma ni Kalou sa soli mai vei au, me vaka na matai ni tara vale sa vuku, au sa vakadavora na yavu, ka sa tara vale kina e dua tani tale. Ia na tamata dautara vale yadua me sa lewa vinaka ka qarauna nai valavala ni nona tara vale e delana.
11Ni sa sega ni rawa vua e dua na tamata me vakadavora na yavu tani, ko ya ga sa vakadavori oti tu, ko Jisu Karisito ga.
12Ia kevaka e dua na tamata sa tara cake e na yavu oqo na koula, na siliva, na vatu talei, na kau, na co malai, se na vu-ni-sila—
13ena vakatakilai na cakacaka ni tamata yadua, ni na vakatakila mai na siga ko ya, ni na vakatakilai e na bukawaqa, ia ena vakatovolei e na bukawaqa na cakacaka ni tamata yadua se sa vakaevei na kenai valavala.
14Kevaka sa tudei na nona cakacaka e dua na tamata sa tara cake ko koya, ena rawata na kenai sau.
15Kevaka ena vakamai na nona cakacaka e dua, ena yali vua na kenai sau; ena vakabulai ko koya, ia sa na vaka ga na bula mai na bukawaqa.
16 1Kori 6.19; 2Kori 6.16 Dou sa sega beka ni kila ni dou sa vale ni Kalou, ka sa tiko vei kemudou na Yalo ni Kalou?
17Kevaka e dua na tamata sa vakarusa na vale ni Kalou, ena vakarusai koya na Kalou; ni sa savasava na vale ni Kalou, ia sai kemudou oqo.
18Me kakua e dua e vakaisini koya vakai koya. Kevaka e dua vei kemudou sa nanuma sa vuku vakavuravura, me sesewa mada ko koya me vuku mai kina.
19Jope 5.13Ni sa ka sesewa vua na Kalou na vuku ni vuravura oqo. Ni sa volai,
“Sa rawai ira na vuku ko koya e na nodra i lawaki,”
20 Same 94.11 ka dua tale,
“Sa kila ko Jiova na nodra nanuma na vuku,
ni sa sega ni yaga.”
21O koya oqo me kakua kina e dua me vosa doudou e na vukudra na tamata. Ni sa nomudou na ka kecega,
22se ko Paula, se ko Apolosa, se ko Kifa, se ko vuravura, se na bula, se na mate, se na veika sa tu edaidai, se na veika ena yaco e muri—oqo kecega sa nomudou,
23ia dou sa nei Karisito, ka sa nona na Kalou na Karisito.
Who We AreWhat We EelieveWhat We Do
2025 by iamachristian.org,Inc All rights reserved.
