Niemaia 10 - Ai Vola Tabu (Vakadewa Makawa Vakavoutaki 2021)（FRV21）

1Ia ko ira oqo era sa dregata nai vola; ko Niemaia na kovana, na luve i Akalaia ka tagane, kei Setekaia;

2ko Siraia, ko Asaraia, ko Jeremaia;

3ko Pasuri, ko Amaraia, ko Malikaia;

4ko Atusi, ko Sipanaia, ko Maluki;

5ko Erimi, ko Meremoce, ko Opetaia,

6ko Taniela, ko Kinico, ko Baruki,

7ko Mesulame, ko Apaija, ko Maijamini,

8ko Measaia, ko Pilikai, ko Semaia; ko ira oqo na bete.

9Ia ko ira na Livai: ko Jesua na luve i Esanaia ka tagane, ko Pinui vei ira na luve i Enatati era tagane, ko Katimieli;

10kei ira na wekadra, ko Sipanaia, ko Otaia, ko Kilita, ko Pilaia, ko Anani;

11ko Mika, ko Riopi, ko Esapaia,

12ko Sakuri, ko Serepaia, ko Sipanaia;

13ko Otaia, ko Pani, ko Pininu.

14Ko ira sa veiliutaki vei ira na tamata: ko Parosi, ko Peaci-moapi, ko Ilama, ko Satu, ko Pani,

15ko Puni, ko Asikati, ko Pepai,

16ko Atonaija, ko Pikivai, ko Atini,

17ko Ateri, ko Esekaia, ko Asuri,

18ko Otaia, ko Asumi, ko Pisai,

19ko Arifi, ko Anacoci, ko Nepei,

20ko Makipiase, ko Mesulame, ko Esiri,

21ko Mesesapeli, ko Setoki, ko Jatua,

22ko Pilataia, ko Anani, ko Anaia,

23ko Osea, ko Enanaia, ko Asupi,

24ko Aloesi, ko Pila, ko Sopeki,

25ko Riumi, ko Esapina, ko Meesea,

26kei Eaia, ko Anani, ko Enani,

27ko Maluki, ko Erimi, kei Peana.

Na Veika era sa Veiyalayalatitaka

28Ia ko ira na tamata sa vo, ko ira na bete, ko ira na Livai, ko ira nai vakatawa-ni-katuba, ko ira na dau-ni-sere, ko ira na Necinimi, kei ira kecega era sa wasei ira tani mai vei ira na lewe ni veivanua me ra muria na vunau ni Kalou, kei ira na watidra, ko ira na luvedra tagane, kei ira na luvedra yalewa, ko ira kece era vuku, ka kila-ka;

29era sa kabiti ira na wekadra na nodra turaga, ka ia na bubului ka cavuta na vosa ni veicudruvi, me ra muria na vunau ni Kalou, sa soli e na gusu i Mosese na tamata ni Kalou ko Jiova, ka me ra vakabauta ka cakava na vunau kecega i Jiova na noda Turaga, kei na nona lewa, kei na nona i lesilesi;

30Lako 34.16; Vrua 7.3ia me da kakua ni solia na luveda yalewa vei ira na lewe-ni-vanua, se kauta na luvedra yalewa me watidra na luveda tagane.

31Lako 23.10,11; Vsoro 25.1-7; Vrua 15.1-2Ia kevaka sa kauta mai nai yaya se na kakana ko ira na lewe-ni-vanua me volitaki e na Siga ni Vakacecegu, me da kakua ni volia vei ira e na Siga ni Vakacecegu, se e na dua na siga e tabu. Me da laiva talega nai kavitu ni yabaki, ka sega ni taroga nai voli ni ka sa sega ni saumi oti.

32 Lako 30.11-16 Ia eda a lesia vei keda eso na ka, me da sa dui solia e na veiyabaki nai katolu ni wase ni sikeli, ki na cakacaka ni vale ni noda Kalou;

33me voli kina na madrai sa vakaraitaki, kei nai madrali laukana sa ia tikoga, kei nai soro kama sa ia tikoga, ki na veisiga ni vakacecegu, kei na veivula vou, kei na solevu sa loku tu, ki na ka tabu talega, kei nai soro ni valavala ca me sorovaki ira kina na Isireli, kei na cakacaka kecega ni vale ni noda Kalou.

34Ia eda a vakawiri madigi, vei ira na bete, kei ira na Livai, kei ira na tamata, e na vuku ni buka sa vakacabori, ka me kau ki na vale ni noda Kalou, me vaka na mata veivuvale ni noda qase, e na gauna sa loku e na veiyabaki me buka ni cabocabo-ni-soro i Jiova na noda Kalou, me vaka sa volai e na vunau.

35Lako 23.19; 34.26; Vrua 26.2Ka me da kauta talega mai ki na vale i Jiova nai sevu ni noda veiwere, kei nai sevu kecega ni vuanikau kecega, e na veiyabaki;

36Lako 13.2na ulumatua talega ni luveda tagane, kei na noda manumanu, me vaka sa volai e na vunau, kei na ulumatua ni noda qele ni bulumakau kei na noda qele ni sipi, me kauta mai ki na vale ni noda Kalou, vei ira na bete era sa cakacaka tiko e na vale ni noda Kalou.

37Tiko 18.21Me da kauta talega mai nai sevu ni noda madrai droka, kei na ka eda sa vakacabora, kei na vuanikau kecega, na waini, kei na waiwai, vei ira na bete, ki na veitaba-ni-vale e cake e na vale ni noda Kalou; kei nai katini ni vua ni noda vanua vei ira na Livai, me nodra na Livai oqori nai katini e na veikoro kecega eda sa dauteitei kina.

38Tiko 18.26Ia me tiko vata kei ira na Livai ko koya na bete na luve i Eroni, ni ra sa taura nai katini ko ira na Livai. Ia era na kauta cake nai katini ni kenai katini ko ira na Livai ki na vale ni noda Kalou, ki na veitaba-ni-vale e cake, ki na valeniyau.

39Ia ko ira na Isireli kei ira na Livai, era na kauta mai na ka sa vakacabori mai na sila, kei na waini vou, kei na waiwai, ki na veitaba-ni-vale e cake, sa tu kina nai yaya ni vale-ni-soro, kei ira na bete era daucakacaka, kei ira nai vakatawa-ni-katuba, kei ira na dau-ni-sere. Ia me da kakua ni biuta na vale ni noda Kalou.