Aisea 4 - Ai Vola Tabu (Vakadewa Makawa Vakavoutaki 2021)（FRV21）

1Ia e na gauna ko ya sa na lewe vitu na yalewa eratou na taura e le dua na tagane, ka kaya,

“Keitou na kania na keitou madrai, ka vakaisulu e na neitou i sulu;

ia me vakatokai ga na yacamu vei keitou;

mo kauta tani na veika keitou rogo ca kina.”

Ena Vakalesui Tale na Bula ki Saioni

2E na gauna ko ya ena rairai vinaka ka rogo na coke i Jiova, ia na vuata ni vanua ena ka talei ka matavinaka me kedra na Isireli era sa dro bula.

3Ia ena yaco, ko koya sa tiko laivi mai Saioni, kei koya ka tiko mai Jerusalemi, ena vakatokai me yalosavasava, io ko ira kecega era sa volai vata kei ira na bula mai Jerusalemi,

4ni sa savata tani oti na Turaga na nodra dukadukali na goneyalewa ni Saioni, ka vuya tani na dra mai na loma ni koro ko Jerusalemi e na yalo daulewa dodonu kei na yalo ni bukawaqa.

5Lako 13.21; 24.16Ia ena cakava ko Jiova me ubia nai tikotiko kecega mai na Ulunivanua ko Saioni, kei na kenai soqosoqo, na o kei na kubou e na siga, kei na rarama ni bukawaqa caucaudre e na bogi; ni na vakarurugi ira kecega na kenai ukuuku.

6Ia ena dua na vale me vakaruru kina e na siga mai na katakata, mei drodro talega, kai vakaruru mai na cava kei na uca.