Same 120 - Ai Vola Tabu (Vakadewa Makawa Vakavoutaki 2021)（FRV21）

Sa Masu ni Tamata sa Lasutaki ka Vakararawataki A Sere ni cabecabe.

1Ena noqu rarawa ka'u a tagi vei Jiova,

ka sa vakarorogo vei au ko koya.

2Kemuni Jiova ni vakabula na yaloqu, mai na tebenigusu daulasu,

mai na yamena na dauveivakaisini.

3A cava me soli vei iko? Se cava me caka vei iko,

ko iko na yame daulasu?

4Sa vaka na gasau gagata ni tamata qaqa,

kei na qilaiso ni junipa sa waqa tu.

5Ulei koi au! Ni ka'u sa tiko vulagi kei ira na Meseki,

ni'u sa tiko e na maliwa ni veivale i Kitari!

6Sa dede na kena tiko vata na yaloqu

kei koya sa cata na sautu.

7Oi au, ka'u sa vinakata na sautu;

ia koi ira, ni'u sa vosa, era sa vinakata nai valu.