1E na gauna ko ya sa tauvi Esekaia e dua na mate ka sa vakarau ciba kina. A sa lako mai vua ko Aisea na parofita, na luve i Emosi, ka kaya vua, “Sa kaya vakaoqo ko Jiova: Mo raica me ra tu vakavinaka na ka taucoko, ni ko na mate; ko na sega ni bula tale.”
2Sa qai vakanamata ki na lalaga ko Esekaia, ka masu vei Jiova, ka kaya,
3“Au sa masuti kemuni, i Jiova, mo ni nanuma mada na noqu lako voli e matamuni e na yalodina kei na yalo e dua bau, kei na noqu daucaka vinaka e matamuni.” A sa tagi vakalevu ko Esekaia.
4Ia ni sa curu yani ko Aisea ka se bera ni yaco ki na loma ni koro, sa yaco vua na vosa i Jiova, ka kaya,
5“Mo lesu tale, ka kaya vei Esekaia na nodra turaga na noqu tamata, Sa kaya vakaoqo ko Jiova na Kalou i Tevita na nomu qase: Au sa rogoca na nomu masu; au sa raica na wai ni matamu. Raica, ka'u na vakabulai iko. E na kenai katolu ni siga mo na lako cake kina ki na vale i Jiova,
6ka'u na vakaikuritaka na gauna ni nomu bula me yabaki tinikalima tale. Ka'u na vakabulai iko kei na koro oqo mai na liga i tui Asiria, ka'u na taqomaka na koro oqo e na vukuqu, e na vukui Tevita talega na noqu tamata.”
7A sa kaya ko Aisea, “Kauta mai e dua nai buli keke vua-ni-lolo, ka me ra taura ka buluta kina na mata ni bo, me rawa ni bula tale ko koya.”
8A sa kaya vei Aisea ko Esekaia, “A cava na kenai vakatakilakila ni na vakabulai au ko Jiova, ka me'u na lako cake talega ki na vale i Jiova e na kenai katolu ni siga?”
9A sa kaya ko Aisea, “Oqo e na nona vakatakilakila vei iko ko Jiova, ni na cakava ko Jiova na ka sa yalataka ko koya: me toso li ki liu nai yaloyalo me tini nai kalawa, se me suka ki muri e na tini nai kalawa?”
10A sa kaya ko Esekaia, “A ka tudei me dau toso ki liu nai yaloyalo e na tini nai kalawa; ia me kakua, me suka ga ki muri na yaloyalo e na tini nai kalawa.”
11A sa masu vagumatua vei Jiova ko Aisea na parofita, ka sa vakasuka ki muri ko koya nai yaloyalo e na tini nai kalawa, o koya ka lako sobu kina e nai vakatakilakila ni mata-ni-siga nei Easi.
Nai Tukutuku Eso mai Papiloni12E na gauna ko ya sa vakauta nai vola kei na ka-ni-loloma vei Esekaia ko koya na tui Papiloni, ko Pirotaki-paletani, na luve i Paletani, ni sa rogoca ni a tauvi mate ko Esekaia.
13A sa vakarorogo vei ira ko Esekaia, ka vakaraitaka kecega vei ira na vale ni nona ka talei, na siliva, kei na koula, kei na ka boi vinaka, kei na waiwai vinaka, kei na vale ni nona i yaragi, kei na ka kece sa tu vata kei na nona i yau. Sa sega e dua na ka e nona vale, kei na nona matanitu taucoko, sa sega ni vakaraitaka vei ira ko Esekaia.
14Sa qai lako vei Esekaia na tui ko Aisea na parofita, ka kaya vua, “A cava era sa kaya ko ira na tamata oqo? Ka ra sa lako mai vei kivei iko?” A sa kaya ko Esekaia, “Era sa lako mai na vanua vakayawa, io mai Papiloni.”
15A sa kaya ko koya, “A cava era sa kunea e na nomu vale?” A sa kaya ko Esekaia, “Era sa kunea na ka kecega e noqu vale; sa sega e dua na noqu i yau ka'u sa sega ni vakaraitaka vei ira.”
16A sa kaya vei Esekaia ko Aisea, “Mo rogoca na vosa i Jiova:
172Tui 24.13; 2Vei 36.10Raica, sa lako mai na gauna ena kau tani kina ki Papiloni na ka kecega sa tu e nomu vale, kei na ka era sa binia na nomu qase ka yacova na siga oqo. Ena sega ni vo e dua na ka, sa kaya ko Jiova.
182Tui 24.14,15; Tani 1.1-7Era na kauta tani eso vei ira na luvemu era na tubu mai vei iko, ko ira ko na vakatubura; a ra na la'ki mata e na nona vale vakaturaga na tui Papiloni.”
19A sa kaya vei Aisea ko Esekaia, “Sa vinaka na vosa i Jiova ko sa tukuna mai.” A sa nanuma vakaoqo, “Sa na sega li ni vinaka kevaka sa yaco na sautu kei na veimaroroi e na noqu gauna?”
Sa Mate ko Esekaia(2 Veigauna 32.32-33)20Ia na kena vo ni cakacaka i Esekaia, kei na nona kaukauwa kecega, kei na nona cakava na drano kei na salisali ni wai sa vakadrodrova kina na wai ki na koro, sa sega li ni volai e nai Vola ni Veika sa Caka e na Nodra Gauna na Tui Juta?
21A sa moce vata kei ira na nona qase ko Esekaia, ka sa lewa ko Manasa na luvena, me kenai sosomi.
Who We AreWhat We EelieveWhat We Do
2025 by iamachristian.org,Inc All rights reserved.
