Sakaraia 6 - Ai Vola Tabu (Vakadewa Makawa Vakavoutaki 2021)（FRV21）

Ai Kawalu ni Raivotu: Na Qiqi-ni-valu e Va

1Au a ta cake tale, ka vakaraica, ka sa va na qiqi-ni-valu sa lako mai na tadrua ni ulunivanua e rua. Ia na ulunivanua sa ulunivanua parasa.

2Vtaki 6.4,5Sa yarataka nai matai ni qiqi-ni-valu na ose damudamu; a sa yarataka nai karua ni qiqi-ni-valu na ose loaloa;

3Vtaki 6.2a sa yarataka nai katolu ni qiqi-ni-valu na ose vulavula; a sa yarataka nai kava ni qiqi-ni-valu na ose veivolavolai ka kaukauwa.

4Au a qai kaya vua na agilosi keirau sa veivosaki kaya, “A cava na ka oqo, noqu turaga?”

5Vtaki 7.1A sa kaya vei au na agilosi, “Ko iratou oqo na yalo vakalomalagi vava, eratou sa lako mai na nodratou tiko e na mata ni Turaga ni vuravura taucoko.

6Ko ya e loaloa na kena ose sa lako yani ki na vanua mai na vualiku, na ka vulavula talega sa muria, ia na ka veivolavolai sa lako yani ki na vanua ki na mata ni ceva.”

7Ni ra sa lako yani na ose kaukauwa, era sa sega ni guta me ra la'ki veilakoyaki voli e vuravura. A sa kaya ko koya, “Dou lako, dou veilakoyaki voli e vuravura.” A ra sa qai veilakoyaki voli e vuravura.

8Sa qai kaci mai vei au ko koya, ka kaya, “Raica, o ira oqori ka lako yani ki na vanua ki na vualiku sa vakaceguya na yaloqu e na vanua vakavualiku.”

Nai Sala Vakaturaga kei na Vale i Jiova

9A sa yaco vei au na vosa i Jiova, ka vaka,

10“Mo kauta mai vei iratou ka vakabobulataki, ko Elitai, kei Topaija, kei Jitaia, eratou sa lako mai Papiloni, ia mo lako talega mai ko iko e na siga ko ya, ka mo curu ki na vale i Josaia na luve i Sefanaia.

11Kauta mai vei iratou na siliva kei na koula, ka cakava nai sala vakaturaga, ka vakaisalataki Josua na luve i Jiosataki, na bete levu;

12Jere 23.5; 33.15; Saka 3.8ka kaya vua, ‘Sa kaya vakaoqo ko Jiova-ni-lewevuqa, “Raica, na tamata ka sa yacana na Coke: ni na tubu mai ko koya mai na nona yasana, ka na tara na vale i Jiova ko koya.

13Io, ena tara ko koya na vale i Jiova, ena tu talega vua na kenai ukuuku, ka na tiko e na nona i tikotiko vakaturaga, ka lewa ko koya. Ena tiko talega na bete e na nona i tikotiko vakaturaga, kei na lewa ni veivinakati erau na ia vata ruarua.” ’

14Kei nai sala vakaturaga ena dautiko e na vale i Jiova me i vakananumi vei Elimi, kei Topaija, kei Jitaia, kei Eni na luve i Sefanaia.

15“Ia ko ira sa tiko vakayawa era na mai veivuke me tara na vale i Jiova. Ia dou na qai kila ni sa talai au mai vei kemudou ko Jiova-ni-lewevuqa. Ia ena yaco na ka oqo kevaka dou na gu vakaukauwa e na talairawarawa ki na vosa i Jiova na nomudou Kalou.”