1A ra sa kauta mai na kato ni Kalou, ka vakatikora e loma ni valelaca sa birika oti ko Tevita, ka ra sa vakacabora nai soro kama eso, ka so nai soro ni veivinakati e na mata ni Kalou.
2Ia ni sa tinia ko Tevita na nona vakacabora nai soro kama kei nai soro ni veivinakati, sa vosavakalougatataki ira na tamata e na yaca i Jiova
3ka sa vota vei ira yadua na Isireli—vei ira na tagane kei ira na yalewa—kivei ira yadua e dua nai buli madrai, e dua na tiki ni lewe ni manumanu, kei na dua nai buli vua-ni-vaini mamaca.
4A sa lesia ko koya eso vei ira na Livai me ra ia na cakacaka e na mata ni kato i Jiova, ka me ra tukutuku, ka vakamolimoli ka vakavinavinaka vei Jiova na nodra Kalou na Isireli.
5Ko Esava sa veiliutaki, ka sa taravi koya ko Sakaraia, ko Jieli, kei Simiramoci, kei Jieli, kei Maticaia, kei Iliavi, kei Penaia, kei Opeti-itomi. Ia ko Jieli, e na soliteri kei na api, ia ko Esava, sa sausau e na sibali me rogo levu,
6ka sa uvu davui tikoga e na mata ni kato ni veiyalayalati ni Kalou koi rau na bete ko Penaia kei Jeesieli.
Na Same ni Vakavinavinaka i Tevita7Sa qai lesia na sere ni vakavinavinaka vei Jiova ko Tevita e na siga ga ko ya vei Esava kei ira na wekana.
8Dou ia na vakavinavinaka vei Jiova, dou masuta na yacana,
dou tukuna voli na nona cakacaka vei ira na tamata.
9Dou sere vua, dou seretaka vua na sere,
dou tukutukuna na nona cakacaka mana kecega.
10Dou vosa doudou e na yacana tabu;
me marau na lomadra era sa vakasaqarai Jiova.
11Dou vakasaqarai Jiova kei na nona kaukauwa,
dou vakasaqara tikoga na matana.
12Dou nanuma na nona cakacaka mana sa kitaka oti ko koya,
na nona cakacaka mana kei na lewa ni gusuna;
13Koi kemudou na kawa i Isireli na nona tamata,
koi kemudou na luve i Jekope, sa digitaka ko koya.
14Ko Jiova ga sa noda Kalou;
sai koya ga sa lewai vuravura taucoko.
15Dou nanuma tikoga na nona veiyalayalati;
a vosa sa vakarota ko koya me yacova e dua na udolu nai tabatamata,
16 Vteki 12.7; 26.3 na veiyalayalati ka ia ko koya kei Eparaama,
kei na nona bubului kivei Aisake,
17 Vteki 28.13 a sa vakadeitaka ko koya vei Jekope mei lesilesi,
vei Isireli talega me veiyalayalati ka tawa mudu,
18a sa kaya, “Au na solia kivei iko na vanua ko Kenani,
nai votavota mo dou taukena.”
19Ni dou a lewe vica walega,
io e lewe vica walega, ka vulagi kina.
20Ia, ni ra sa lako mai na vanua e dua ki na vanua kadua,
mai na matanitu e dua ki na dua tale na matatamata,
21 Vteki 20.3-7 sa sega ni laiva e dua me vakacacani ira;
io, sa vunauci ira na tui e na vukudra,
22ka vaka, “Kakua ni tarai ira ka'u sa lumuta,
dou kakua ni vakacacani ira na noqu parofita.”
23Dou sere vei Jiova, na lewe i vuravura kecega.
Tukuna voli e na veisiga ni sa dauia na veivakabulai ko koya.
24Tukuna na nona lagilagi e na veimatanitu tani,
na nona cakacaka e veivakurabuitaki ki na veimatanitu kecega.
25Ni sa levu ko Jiova, a sa dodonu me vakacaucautaki vakalevu;
me rerevaki vakalevu cake talega ko koya vei ira na kalou kecega.
26Ni ra sa matakau walega na nodra kalou kecega na tamata,
ia ko Jiova ga sa bulia na lomalagi.
27Sa tiko e matana na serau kei na vakarokorokotaki;
sa tiko e nona yasana na kaukauwa kei na marau.
28Dou solia vei Jiova, koi kemudou na lewe ni veivanua,
dou solia vei Jiova na vakarokoroko kei na kaukauwa.
29Dou solia vei Jiova na vakarokoroko e kilikili kei na yacana;
dou kauta mai nai madrali, ka lako mai kivei koya.
Dou lotu vei Jiova e na yasana tabu sa vakaiukuuku;
30dou rere e matana, ko vuravura taucoko.
Ena tudei talega ko vuravura; me kakua ni yavalati.
31Me reki ko lomalagi, ka marau ko vuravura,
me kainaki talega e na veimatanitu, “Sa lewa ko Jiova.”
32Me vadugu na wasawasa, kei na veika sa sinai kina;
me reki na veiwere, kei na ka kecega sa tiko kina.
33Ena qai sere mai na kau ni veikau e na mata i Jiova,
ni sa lako mai ko koya me lewai vuravura.
34 2Vei 5.13; 7.3; Esera 3.11; Same 100.5; 106.1; 107.1; 118.1; 136.1; Jere 33.11 Dou ia na vakavinavinaka vei Jiova, ni sa yalovinaka ko koya;
ni sa sega ni mudu na nona loloma.
35Ia mo dou kaya,
“Ni vakabulai keimami, na Kalou ni neimami bula,
ka vakasoqoni keimami vata, ka vakabulai keimami mai vei ira na veimatanitu tani,
me keimami vakavinavinaka ki na yacamuni tabu,
me keimami daureki e na vakavinavinaka vei kemuni.
36Me vakavinavinakataki ko Jiova, na nodra Kalou na Isireli,
me tawa mudu ka tawa mudu.”
A ra sa qai kaya na tamata kecega, “Emeni!” ka ra sa vakavinavinaka kivei Jiova.
Sa Qaravi Tikoga na Sokalou e Jerusalemi kei Kipioni37A sa laivi Esava kei ira na wekana ko koya mai kea, e na mata ni veiyalayalati i Jiova, me ra cakacaka tikoga e na mata ni kato, me vaka na kenai valavala e yaga e na veisiga,
38kei Opeti-itomi kei ira na wekadra, sa lewe onosagavulu ka walu; ia sai vakatawa-ni-katuba na tagane na luve i Jitucuni ko Opeti-itomi kei Osa.
39Kei Setoki na bete, kei na wekana era sa bete, e na mata ni vale i Jiova, e na tikina cecere mai Kipioni,
40me vakacabora tiko nai soro kama vei Jiova e dela ni cabocabo-ni-soro kama, e na mataka kei na yakavi, ka me vaka na ka kecega sa volai e na vunau i Jiova, o koya sa vakarota ko koya vei ira na Isireli.
41Ka sa tu vata kei ira ko Imani kei Jitucuni, kei ira talega na kena vo era sa digitaki, a sa cavuti na yacadra yadua, me ia na vakavinavinaka vei Jiova, ni sa tawa mudu na nona loloma.
42A sa tu vata kei rau, ko Imani kei Jitucuni, e na davui kei na sibali me rogo levu, ka so tale na ka sa yaga ni ra sa qiriqiri ka sere vua na Kalou. Ka sai vakatawa-ni-katuba ko iratou na luve i Jitucuni.
43 2Samu 6.19,20 A ra sa suka ko ira kecega na tamata yadua ki na nona vale, ka sa lesu tale ko Tevita me vosavakalougatataka na nona lewe-ni-vuvale.
Who We AreWhat We EelieveWhat We Do
2025 by iamachristian.org,Inc All rights reserved.
