1Ia ka'u sa kaya, ni sa gone tiko nai taukei e muri, sa tautauvata kei na tamata walega, ia ka sa nona ga na ka kecega;
2a sa lewai koya ko ira nai vakavuvuli kei ira na qase, me yaco mada na gauna ka lokuca eliu ko tamana.
3Sa vakakina koi keda eliu, ni da a gone tiko, sa lewai keda na veivu-ni-ka sa vakavuravura me vaka eda bobula.
4Ia ni sa yaco dina sara na kena gauna, sa qai tala yani na Luvena na Kalou, o koya sa sucu mai na yalewa, sa sucu me lewai koya na vunau,
5Roma 8.15-17me voli ira kina sa lewai ira na vunau, me da vakayacori kina me da luvena sa vakabau.
6Ia ni dou sa qai luvena, sa tala na Kalou na Yalo ni Luvena ki na lomada, o koya sa daukaci, “Apa, Tama i keimami.”
7O koya oqo ko sa qai sega kina ni tamata walega, a luvena ga; ia kevaka ko sa luvena, ko sa qai taukei e na vuku ni Kalou.
Sa Lomaleqataki Ira na kai Kalatia ko Paula8Ia eliu, ni dou a sega ni kila na Kalou, dou a dauqaravi ira sa sega ni nodra i tovo me vakalou.
9Ia edaidai, ni dou sa qai kila na Kalou, se dina ga ni sa qai kilai kemudou na Kalou, dou sa qai lesu tale vakacava ki na veivu ni ka, sa malumalumu ka ka wale, ka dou sa vinakata mo dou qarava tale?
10Dou sa vakatabuya na siga eso, kei na vula eso, kei na gauna eso, kei na yabaki eso.
11Au sa yalolailai e na vukumudou, de sega ni yaga na noqu cakacaka vei kemudou.
12Oi kemudou na veiwekani, au sa masuti kemudou, mo dou vakataki au, ni'u sa vakataki kemudou. Dou sa sega ni vakacacani au vakalailai.
13Ia dou sa kila, ni'u a vunautaka vei kemudou eliu nai tukutuku-vinaka ni sa malumalumu na yagoqu.
14Ia e na vuku ni ka ni yagoqu sa vakatovolei kemudou, dou sa sega ni beci au se vakasisilataka, ia dou a vakacegui au me vaka ka'u sa agilosi ni Kalou, me vakataki Karisito Jisu.
15Sa qai tu evei na nomudou marau eliu? Ni'u sa vakadinadina vei kemudou, kevaka sa rawarawa, dou a leuta tani na matamudou, mo dou solia mai vei au.
16Au sa qai yaco beka oqo me'u nomudou meca, ni'u sa vosa dina vei kemudou?
17Era sa gumatua ni lomani kemudou, e segai e nai valavala vinaka, io era sa via tawasei kemudou tani, mo dou gumatua ni lomani ira.
18Ia sa ka vinaka na gumatua tikoga e na cakacaka vinaka, me kakua ni ia walega ni'u sa tiko vata kei kemudou.
19Na luvequ lalai, oi kemudou ka'u sa taratara tale kina, me buli mada na Karisito e na lomamudou!
20Ia ka'u sa via tiko vei kemudou edaidai ka me duatani na domoqu; ni'u sa nuinuica e na vukumudou.
Nai Vakatautauvata Baleti Eka kei Sera21Dou tukuna mai vei au, kemudou sa via vauci e na vunau, dou sa sega beka ni rogoca na vunau?
22Vteki 16.15; 21.2Ni sa volai, sa lewe rua na luve i Eparaama ka tagane, a tinana e dua na vada, a tinana kadua na marama.
23Ia ko koya sa luve ni vada, sa sucu vakatamata; ia ko koya sa luve ni marama, sa sucu e na vosa ni yalayala.
24Ia na ka oqo sa vakaibalebale: ni sa veiyalayalati e rua koi rau na yalewa oqo. E dua mai na Ulunivanua ko Saineai, o koya sa vakasucu gone me ra bobula, oqori ko Eka.
25Ia ko Eka oqo na Ulunivanua ko Saineai mai Arapea, a sa tautauvata kei Jerusalemi ka tu edaidai, a sa bobula tiko kei ira na luvena.
26Ia ko Jerusalemi mai cake, sa galala, o koya na tinada kecega.
27Aisea 54.1Ni sa volai,
“Mo reki, ko iko sa yava, sa sega ni vakaluveni,
mo tabalaka na kaci, o iko sa sega ni taratara;
ni sa qai lewe vuqa na luvena ko koya ka biu
ka lewe lailai vua sa vakawati.”
28Ia koi keda, na veiwekani, eda sa vakataki Aisake, ni da sa gone ni vosa ni yalayala.
29Vteki 21.9Ia na ka sa caka eliu sa caka talega edaidai, sa vakacacani koya sa sucu vakayalo ko koya sa sucu vakatamata.
30Vteki 21.10Ia ka cava sa kaya nai Vola Tabu? “Vakaseva tani na yalewa bobula kei na luvena, ni rau na sega ni taukena vata na luve ni yalewa bobula kei na luve ni yalewa galala.”
31Sa vakaoqo, kemudou na veiwekani, eda sa sega ni luve ni yalewa bobula, ia eda sa luve ga ni yalewa galala.
Who We AreWhat We EelieveWhat We Do
2025 by iamachristian.org,Inc All rights reserved.
