Jemesa 5 - Ai Vola Tabu (Vakadewa Makawa Vakavoutaki 2021)（FRV21）

Nai Vakaro vei Ira na Vutuniyau

1Dou lako mai, oi kemudou na tamata vutuniyau, dou tagi ka qoqolou e na vuku ni nomudou ka rarawa ena yaco mai.

2Maciu 6.19Sa vuca na nomudou i yau, a sa kania na nomudou i sulu na sarasara.

3Sa veveka na nomudou koula kei na siliva; ka na tukuni kemudou na kena veveka, ka na kania na lewemudou me vaka na bukawaqa. Dou sa kumuna vata nai yau me yacova na gauna mai muri sara.

4Vrua 24.14,15Raica, sa tagi na kedrai voli na tamata daucakacaka ka ra tamusuka na nomudou veiwere, o koya dou sa bureitaka, ka sa yaco ki na daligana na Turaga ni-lewe-vuqa na nodra tagi era sa dautamusuka.

5Dou sa marau tikoga e vuravura ka dou sa daukana tiko. Dou sa dauvakania na lomamudou e na siga sa ia kina na dauveivakamatei.

6Dou sa lewai koya na yalododonu ka dou sa vakamatea, ka sega ni vorati kemudou ko koya.

Na Yalo Vosota kei na Masu

7O koya ga oqo, na veiwekani, mo dou qai vosota, me yaco mada na nona lako mai na Turaga. Raica, nai vakatau-ni-were sa waraka na vua ni qele e talei, ka sa wawa vakadede, me rawata mada na uca taumada kei na uca taumuri.

8Dou vosota talega koi kemudou. Vakataudeitaka na yalomudou, ni sa roro mai na nona lako mai na Turaga.

9Dou kakua ni dui veikudruvi na veiwekani, de dou cudruvi. Raica, sa tu e na mata ni katuba na Turaga-ni-lewa!

10Oi kemudou na wekaqu, vakadamurimuri ira na parofita, e na nodra vosota na ka rarawa, kei na nodra dauvosota, era a vosa e na yaca ni Turaga.

11Jope 1.21-22; 2.10; Same 103.8Raica, eda sa dauvakatokai ira era sa vosota me ra kalougata. Dou a rogoca na dauvosota nei Jope, dou sa raica talega ni sa tinia vakaevei na Turaga, ni sa yalovinaka sara na Turaga, ka sa yalololoma.

12 Maciu 5.34-37 Ia na ka levu sara oqo, oi kemudou na wekaqu, mo dou kakua sara ni bubului, kakua ki lomalagi, se ki vuravura, se ki na dua tale na ka. Me “io” ga na nomudou io, ka me “sega” ga na nomudou sega, de dou cudruvi kina.

Na Masu ni Vakabauta

13Kevaka e dua vei kemudou sa vakararawataki, me masu tiko. Kevaka e dua sa marau, me sere.

14Mari 6.13Kevaka e dua vei kemudou sa tauvi-mate, me kacivi ira na qase ni soqosoqo lotu, ka me ra masulaki koya, ka walia e na waiwai e na yaca ni Turaga.

15Ia na masu ni vakabauta ena vakabulai koya sa tauvi-mate, ka na vakaturi koya cake na Turaga; ka kevaka sa kitaka nai valavala ca, ena vosoti ko koya.

16O koya mo dou dui vakatusa kina na nomudou i valavala ca, ka veimasulaki, mo dou vakabulai kina. Sa kaukauwa vakalevu ka gumatua na nona masu na tamata yalododonu.

171Tui 17.1; 18.1A tamata sa vakataki keda ga ko Ilaijia, ka sa masu vagumatua sara me kakua ni tau na uca, ka sa sega kina ni tau mai na uca e vuravura ka sa oti mada na yabaki tolu kei na vula ono.

181Tui 18.42-45A sa qai masu tale, ka sa tau na uca mai lomalagi, ka sa vuataka na vuana na qele.

19Oi kemudou na veiwekani, kevaka e dua vei kemudou sa lako sese mai nai vakavuvuli dina, ka sa vakalesui koya tale mai e dua,

20Vbale 10.12; 1Pita 4.8me kila ko koya oqo, o koya sa vakalesuya tale na tamata caka cala mai na nona i valavala e cala kina sa vakabula na yalo mai na mate, ka sa buluta talega nai valavala ca e vuqa.