1Ena reki e na vuku ni ka oqo na vanua lala kei na vanua mamaca;
ia na vanua dravuisiga ena marau,
ka se me vaka na rosi.
2Ena se ka beta,
ena reki talega, ka na marau ka ia na sere.
Ena soli kina nai ukuuku vaka-Lepanoni,
ka na lagilagi vakataki Kameli kei Saroni.
Era na raica nai ukuuku i Jiova,
kei na cecere ni noda Kalou.
3 Ipe 12.12 Dou vakaukauwataka na ligadra era malumalumu,
ka vakataudeitaka na durudra sa sautaninini.
4Dou kaya vei ira era yalolailai,
“Dou kaukauwa, dou kakua ni rere!
Raica na nomudou Kalou.
Ena yaco mai na veisausaumi,
na veisausaumi sa ia na Kalou;
ena lako mai ko koya ka vakabulai kemudou.”
5 Maciu 11.5; Luke 7.22 Ena qai rai na matadra na mataboko,
ka rogo na daligadra na didivara.
6Ena qai ladelade na lokiloki me vaka na me kila,
ka sere na yamedra na galu.
Ni na vure cake mai na wai e na vanua lala,
kei na uciwai e na vanua dravuisiga.
7Ia na nuku kata ena yaco me drano,
kei na qele mamaca mei vurevure ni wai;
na nodra tikina na wolifa, era daukoto kina,
ena vanua veigasau ka veikuta.
8Ia ena tu e kea e dua na sala cecere,
ka na vakatokai Na Sala Tabu;
ena sega ni lakova e dua sa sega ni savasava,
ena lako vata ko Koya kei ira era sa muria na sala,
ia ko ira na tamata sesewa era na sega ni lako sese kina.
9Ena sega kina e dua na laione,
se dua na manumanu daukata me cabeta, se me kune kina;
ko ira ga era sa vakabulai
era na lako voli kina.
10Ia ko ira sa vakabula ko Jiova era na lesu mai,
ka tadu mai ki Saioni ka sere lako;
ena nodra i sala na reki tawa mudu;
era na taukena na reki kei na marau,
ka na dro tani yani na rarawa kei na tagi.
Who We AreWhat We EelieveWhat We Do
2025 by iamachristian.org,Inc All rights reserved.
