Niemaia 7 - Ai Vola Tabu (Vakadewa Makawa Vakavoutaki 2021)（FRV21）

1Ia ni sa viri oti na bai, au sa vakaduria talega na kenai sogo, a ra sa lesi nai vakatawa ni matamata-ni-koro, kei ira na dau-ni-sere, kei ira na Livai,

2ka'u a qai lesi Anani na taciqu, kei Enanaia na turaga ni vale-ni-tui, me lewai Jerusalemi, ni sa tamata dodonu ko koya, ka sa daurerevaka na Kalou vakalevu cake vei ira e lewe vuqa.

3Ia ka'u a kaya vei rau, “Me kakua ni dola na matamata-ni-koro e Jerusalemi ka me katakata mada na mata-ni-siga. Ia ni ra sa vakatawa tiko, me ra sogota nai sogo, ka vakadeitaka kece. Ka drau lesi ira nai vakatawa mai vei ira na kai Jerusalemi, me vakatawa yadua ni sa nona i tavi, ia ko ira yadua e na yasana sa donuya na nona vale.”

Ko Ira era Lesu mai na Tiko Bobula(Esera 2.1-70)

4Ia sa raraba na koro ka levu, ka sa lewe lailai na tamata era tiko kina, a sa sega ni tara na veivale.

5A sa vakatubura e lomaqu na noqu Kalou me'u vakasoqoni ira vata na turaga, kei ira era sa lewa, kei ira na tamata, me sa volai na kedrai tubutubu. Ia ka'u a kunea nai vola sa volai kina na kedrai tubutubu era sa liu cake mai, ia ka'u sa kunea ni sa volai vaka:

6Ko ira oqo na gone ni qali, era a lako cake mai na veivakabobulataki, vei ira ka vakabobulataka eliu, ka kauta yani ko Nepukanesa na tui Papiloni. A ra sa lesu tale mai ki Jerusalemi kei Juta, ko ira yadua ki na nona koro.

7Ko ira era lako vata mai kei Serupepeli: ko Jesua, ko Niemaia, ko Asaraia, ko Reamaia, ko Neamani, ko Motekai, ko Pilisani, ko Misipereci, ko Pikivai, ko Niumi, ko Peana.

A kedrai wiliwili na Isireli:

8ko ira na luve i Parosi, e le rua na udolu ka dua na drau ka vitusagavulu ka rua.

9Ko ira na luve i Sefataia, e le tolu na drau ka vitusagavulu ka rua.

10Ko ira na luve i Ara, e le ono na drau ka limasagavulu ka rua.

11Ko ira na luve i Peaci-moapi, mai vei ira na luve i Jesua kei Joape, e le rua na udolu ka walu na drau ka tinikawalu.

12Ko ira na luve i Ilama, e le dua na udolu ka rua na drau ka limasagavulu ka va.

13Ko ira na luve i Satu, e le walu na drau ka vasagavulu ka lima.

14Ko ira na luve i Sakai, e le vitu na drau ka onosagavulu.

15Ko ira na luve i Pinui, e le ono na drau ka vasagavulu ka walu.

16Ko ira na luve i Pepai, e le ono na drau ka ruasagavulu ka walu.

17Ko ira na luve i Asikati, e le rua na udolu ka tolu na drau ka ruasagavulu ka rua.

18Ko ira na luve i Etonikami, e le ono na drau ka onosagavulu ka vitu.

19Ko ira na luve i Pikivai, e le rua na udolu ka onosagavulu ka vitu.

20Ko ira na luve i Atini, e le ono na drau ka limasagavulu ka lima.

21Ko ira na luve i Ateri mai vei Esekaia, e le ciwasagavulu ka walu.

22Ko ira na luve i Asumi, e le tolu na drau ka ruasagavulu ka walu.

23Ko ira na luve i Pisai, e le tolu na drau ka ruasagavulu-ka-va.

24Ko ira na luve i Arifi, e le dua na drau ka tinikarua.

25Ko ira na luve i Kipioni, e le ciwasagavulu ka lima.

26Ko ira na kai Peceliema kei Nitofa, e le dua na drau ka walusagavulu ka walu.

27Ko ira na kai Anacoci, e le dua na drau ka ruasagavulu ka walu.

28Ko ira na kai Peci-asimaveci, e le vasagavulu ka rua.

29Ko ira na kai Kiriaci-jiarimi, na kai Kifira, kei na kai Pieroci, e le vitu na drau ka vasagavulu ka tolu.

30Ko ira na kai Rama kei Kepa, e le ono na drau ka ruasagavulu ka dua.

31Ko ira na kai Mikimasi, e le dua na drau ka ruasagavulu ka rua.

32Ko ira na kai Pecili kei Ai, e le dua na drau ka ruasagavulu ka tolu.

33Ko ira na kai Nipo kadua, e le limasagavulu ka rua.

34Ko ira na kai Ilama kadua, e le dua na udolu ka rua na drau ka limasagavulu ka va.

35Ko ira na kai Erimi, e le tolu na drau ka ruasagavulu.

36Ko ira na kai Jeriko, e le tolu na drau ka vasagavulu ka lima.

37Ko ira na kai Lota, na kai Atiti, kei na kai Ono, e le vitu na drau ka ruasagavulu ka dua.

38Ko ira na kai Asena, e le tolu na udolu ka ciwa na drau ka tolusagavulu.

39Ko ira na bete: a luve i Jitaia, mai na vale i Jesua, e le ciwa na drau ka vitusagavulu ka tolu.

40Ko ira na luve i Ima, e le dua na udolu ka limasagavulu ka rua.

41Ko ira na luve i Pasuri, e le dua na udolu ka rua na drau ka vasagavulu ka vitu.

42Ko ira na luve i Erimi, e le dua na udolu ka tinikavitu.

43Ko ira na Livai: ko ira na luve i Jesua, mai Katimieli, mai vei ira na luve i Otiva, e le vitusagavulu ka va.

44Ko ira na dau-ni-sere: ko ira na luve i Esava, e le dua na drau ka vasagavulu ka walu.

45Ko ira nai vakatawa-ni-katuba ko ira na luve i Salumi, ko ira na luve i Ateri, ko ira na luve i Talimoni, ko ira na luve i Akupi, ko ira na luve i Etita, ko ira na luve i Sopai, e le dua na drau ka tolusagavulu ka walu.

46Ko ira na Necinimi: ko ira na luve i Saia, ko ira na luve i Esufa, ko ira na luve i Tapaoce,

47ko ira na luve i Kirosi, ko ira na luve i Sia, ko ira na luve i Patoni;

48ko ira na luve i Lipana, ko ira na luve i Ekapa, ko ira na luve i Salimai;

49ko ira na luve i Anani, ko ira na luve i Kiteli, ko ira na luve i Keari;

50ko ira na luve i Riaia, ko ira na luve i Risini, ko ira na luve i Nikota;

51ko ira na luve i Kasami, ko ira na luve i Usa, ko ira na luve i Pasea;

52ko ira na luve i Pesai, ko ira na luve i Maoni, ko ira na luve i Nifusimi;

53ko ira na luve i Pakipuki, ko ira na luve i Ekufa, ko ira na luve i Ariuri;

54ko ira na luve i Pacilice, ko ira na luve i Mita, ko ira na luve i Arisa;

55ko ira na luve i Parikosi, ko ira na luve i Sisera, ko ira na luve i Tema;

56ko ira na luve i Nisia, ko ira na luve i Etifa.

57Ko ira na luvedra na tamata nei Solomoni: ko ira na luve i Soti, ko ira na luve i Sofereci, ko ira na luve i Piraita;

58ko ira na luve i Yala, ko ira na luve i Tarikoni, ko ira na luve i Kiteli;

59ko ira na luve i Sefataia, ko ira na luve i Atili, ko ira na luve i Pokerece-asipayimi, ko ira na luve i Emoni.

60Ko ira kecega na Necinimi, kei ira na luvedra na tamata nei Solomoni, era sa le tolu na drau ka ciwasagavulu ka rua.

61Ko ira talega oqo era a lako cake mai Teli-mela, kei Teli-arisa, kei Kirupi, kei Atoni kei Ima, ia era sa sega ni tukuna rawa mai na vale ni nodra qase se na nodra kawa, se ra Isireli beka se segai.

62Ko ira na luve i Tilaia, kei ira na luve i Topaia, kei ira na luve i Nikota, era sa le ono na drau ka vasagavulu ka rua.

63Vei ira talega na bete: ko ira na luve i Apaya, ko ira na luve i Kose, ko ira na luve i Pasiliai, ko koya ka veiwatini kaya e dua na luvena yalewa nei Pasiliai na kai Kiliati, a sa vakayacani vei ira.

64Ko ira oqo era sa qara na kedrai vola e na nodra sa wili na kedrai tubutubu, a sa sega ni kune, a ka oqo era sa vakadaroi kina me ra kakua ni cakacaka vakabete, ni sa lewai ni ra sa tawa savasava.

65Lako 28.30; Vrua 33.8A sa kaya vei ira ko koya na kovana, me ra kakua ni kana e na ka tabu sara, ka me tubu mada e dua na bete me taubena na Urimi kei na Cumimi.

66Ko ira vata nai soqosoqo taucoko era sa lewe vasagavulu ka rua na udolu ka tolu na drau ka onosagavulu,

67kei na nodra tamata kei na nodra vada, era sa le vitu na udolu ka tolu na drau ka tolusagavulu ka vitu; kei ira talega e le rua na drau ka vasagavulu ka lima na tagane kei na yalewa e dau-ni-sere.

68A nodra ose, sa vitu na drau ka tolusagavulu ka ono. A nodra meule, e rua na drau ka vasagavulu ka lima,

69a kameli e va na drau ka tolusagavulu ka lima, ka ono na udolu ka vitu na drau ka ruasagavulu na asa.

70Eso vei ira na qase era sa liu era sa soli ki na cakacaka. Ko koya na kovana sa solia ki na valeniyau e dua na udolu na tarama na koula, ka limasagavulu na beseni, ka lima na drau ka tolusagavulu nai sulu ni bete.

71Ka so vei ira na qase sa liu era sa solia ki na valeniyau ki na cakacaka, e rua na oba na tarama na koula (168 na kilokaramu), ka dua na vatuloa ka tolu na oba ka rua na udolu na sikeli siliva.

72Ia na ka era solia na tani, sa rua na oba na tarama (168 na kilokaramu) na koula, ka dua na vatuloa ka rua na oba (140 na kilokaramu) na sikeli siliva, ka onosagavulu ka vitu nai sulu ni bete.

73 1Vei 9.2; Nie 11.3 A ra sa dui tiko e na nodra veikoro ko ira na bete, kei ira na Livai, kei ira nai vakatawa-ni-katuba, kei ira na dau-ni-sere, ka so vei ira na tamata, kei ira na dauveiqaravi ni vale-ni-soro, kei ira kecega na Isireli.

Ia ni sa yaco nai kavitu ni vula, era sa qai tiko e na nodra veikoro ko ira na Isireli.