1Ia ka'u a raica e dua tale na agilosi kaukauwa sa lako sobu mai lomalagi, sa vakaisulu e na o, ka sa vakaisala e na drodrolagi, sa vaka na mata-ni-siga na matana, a sa vaka na duru bukawaqa na yavana.
2A sa taura nai vola lailai e na ligana, ka sa tevuki tu. A sa butu tu e na dela ni wasawasa ko koya e na yavana i matau, kei na dela ni vanua e na yavana i mawi,
3a sa kaci e na domo levu, me vaka na laione sa tagi. Ia ni sa kaci oti ko koya, sa qai cavuta na nodratou vosa na kurukuru e vitu.
4Ni ratou sa cavuta na nodratou vosa na kurukuru e vitu, au sa vakarau me'u volavola, ia ka'u sa qai rogoca na vosa mai lomalagi, sa kaya vei au, “Mo dregata na ka sa cavuta na kurukuru e vitu, ka kakua ni vola.”
5Lako 20.11; Vrua 32.40; Tani 12.7; Emo 3.7Ia na agilosi ka'u a raica ni sa tu e na wasawasa kei na vanua sa dodoka cake na ligana i matau ki lomalagi
6ka sa bubului vei koya sa bula tawa mudu, o koya ka buli lomalagi, kei na veika sa tu kina, kei vuravura, kei na veika sa tu kina, kei na wasawasa, kei na veika sa tu kina, “ni na sega tale e dua na gauna me vo,
7ia e na gauna ni domo i koya nai kavitu ni agilosi ni sa vakatekivu ko koya me uvuca na davui, ena vakayacori kina na ka vuni ni Kalou, me vaka ga na nona vosa vei ira na nona i talatala na parofita.”
8 Isi 2.8—3.3 Sa qai vosa tale vei au na domo ka'u a rogoca mai lomalagi, ka kaya, “Mo lako ka kauta nai vola lailai sa tevu tu, o koya sa taura na liga ni agilosi sa tu e na wasawasa kei na vanua.”
9Au sa qai lako vua na agilosi ka kaya vua me solia mai vei au nai vola lailai. Ka sa kaya vei au ko koya, “Mo taura ka kania sara; oqo ena gaga e ketemu, ia ena kamikamica ga e gusumu me vaka na oni.”
10Au sa qai taura nai vola lailai mai na liga ni agilosi, ka'u sa kania sara. A sa kamikamica e gusuqu me vaka na oni, ia ni'u sa kania oti, sa gaga sara e ketequ.
11A sa kaya vei au ko koya, “O na parofisai tale vei ira na veimatanitu e vuqa, kei na veivanua, kei na duivosavosa, kei na tui eso.”
Who We AreWhat We EelieveWhat We Do
2025 by iamachristian.org,Inc All rights reserved.
