Filimoni Nai Vakamacala Taumada - Ai Vola Tabu (Vakadewa Makawa Vakavoutaki 2021)（FRV21）

Nai Vakamacala TaumadaKo Filimoni e dua na turaga lotu Vakarisito kilai ka rogo. E vakabauti ni lewe ni soqosoqo lotu mai Kolosa o koya ka i taukei ni dua na bobula ka yacana ko Onisimo. Na bobula oqo sa dro tani mai vua na nona turaga, ka yaco emuri me rau sota ka veikilai sara kei Paula ena gauna sa tiko kina vakavesu ko Paula. A qai mani yaco me lotu Vakarisito ko Onisimo ena cakacaka i Paula. Nai Vola i Paula Vei Filimoni e vola koto na nona kerekere tiko ko Paula vei Filimoni ni sa vakauti Onisimo lesu tale vua na nona turaga. A sa kerei Filimoni me lomani Onisimo tale na nona bobula ka me rau veisorosorovi. E vinakata ko Paula me kakua ni kidavaki koya walega ko Filimoni me vaka e dua na bobula sa vosoti, ia me ciqomi koya me vaka ni rau sa veitacini vakayalo ena vuku ni nona sa vakabauta talega na Karisito.Na Lewe ni VolaNai vakamacala taumada 1-3

Na veivakacaucautaki vei Filimoni 4-7

Na vakamamasu ena vuku i Onisimo 8-22

Na kenai tinitini 23-25