1 Vrua 17.6; 19.15 Oqo nai katolu ni noqu lako yani vei kemudou. “Ena vakadinadinataki na vosa kecega e na gusu ni vakadinadina e lewe rua, se lewe tolu.”
2Au a vakasalataka eliu, ka'u sa qai vakasalataka, me vaka e nai karua ni noqu tiko vei kemudou; ia oqo, ni'u sa tiko tani, au tukuna vei ira sai valavala ca eliu, kei ira kecega na tani, kevaka ka'u na lako tale yani, ka'u na sega ni vosota—
3ni dou sa qara e dua nai vakadinadina ni sai Karisito ka'u sa vosa tiko kina. O koya sa sega ni malumalumu vei kemudou, ia sa kaukauwa ga vei kemudou.
4Ni sa vakoti ki na kauveilatai ko koya e na malumalumu, ia sa qai bula e na kaukauwa ni Kalou. Keitou talega sa malumalumu vata kaya, ia keitou na bula vata kaya e na kaukauwa ni Kalou vei kemudou.
5Dou dikevi kemudou, se dou tu e na vakabauta, se segai. Dou vakatovolei kemudou. Dou sa sega beka ni kila vakataki kemudou ni sa tiko vei kemudou ko Jisu Karisito? — ke sega, de dou sa sega dina ni vakabau!
6Ia ka'u nuitaka ni dou na kunea rawa ni sa vakabau koi keitou.
7Ia keitou sa masu ga vua na Kalou mo dou kakua sara ni valavala ca—e segai me keitou rairai kina ni keitou sa vinakati kina, mo dou cakava ga na ka e dodonu, ka dina ga ni vaka me keitou sa sega ni vakabau.
8Ni keitou sa sega ni rawata e dua na ka me tarovi kina na dina, ia me totaka ga na dina.
9Ni keitou sa reki, ni keitou sa malumalumu tu, ka kaukauwa koi kemudou; ia na ka talega oqo keitou sa masulaka, mo dou vinaka sara.
10O koya oqo ka'u sa vola kina na veika oqo ni'u sa tiko tani, deu ia na lewa rarawa ni da sa tiko vata, me vaka na kaukauwa sa solia mai vei au na Turaga me ia kina na veivakatataki, me kakua ga na veivakarusai.
11Meu tinia, oi kemudou na veiwekani, mo dou vinaka! Mo dou vinaka taucoko, mo dou vakacegui sara, mo dou lomavata, mo dou veivinakati tiko; ia ena tiko vata kei kemudou na Kalou ni loloma kei na vakacegu.
12Dou veilomani ka veireguci e na yalosavasava.
13Sa loloma yani vei kemudou ko ira kecega era sa lotu.
14Me tiko vei kemudou kecega na yalololoma ni Turaga ko Jisu Karisito, kei na loloma ni Kalou, kei na veilomani ni Yalo Tabu. Emeni.
Who We AreWhat We EelieveWhat We Do
2025 by iamachristian.org,Inc All rights reserved.
