Roma 4 - Ai Vola Tabu (Vakadewa Makawa Vakavoutaki 2021)（FRV21）

Nai Vakaraitaki ko Eparaama

1A cava me da qai kaya sa rawata ko Eparaama na tamada, e nai valavala vakayago?

2Kevaka sa vakadonui ko Eparaama e na vuku ni cakacaka, sa qai dua na ka vua me dokai koya kina; ia ka sega ga e na mata ni Kalou.

3Vteki 15.6; Kala 3.6A cava e kaya nai Vola Tabu? “Sa vakabauta na Kalou ko Eparaama, a sa okati vua mei valavala dodonu.”

4Ia na kenai sau vua na tamata daucakacaka, sa sega ni okati me loloma, sa kenai voli ga.

5Ia ko koya sa sega ni cakacaka, a sa vakabauti koya sa vakadonuya na tamata i valavala ca, sa okati vua na nona vakabauta mei valavala dodonu.

6Sa vaka talega kina ko Tevita ni sa tukuna na kena kalougata na tamata, sa okata vua na Kalou nai valavala dodonu, ia ka sega e na vuku ni cakacaka:

7 Same 32.1,2 “Sa kalougata ko ira sa vosoti na nodra i valavala ca,

ka sa buluti na nodra caka cala;

8sa kalougata na tamata sa sega ni beitaka vua nai valavala ca ko Jiova.”

9Era sa kalougata beka vakaoqo ko ira ga era sa cili, se ra vaka talega kina ko ira sa sega ni cili? Ni da sa kaya, “Sa okati vei Eparaama na nona vakabauta mei valavala dodonu.”

10Sa qai okati beka ni sa vakaevei? Ni sa cili oti ko koya, se ni sa sega ni cili? Sa sega ga ni sa cili oti, ni sa sega ga ni cili.

11Vteki 17.10A sa soli vua na veicili mei vakatakilakila, me vakadinadinataka ni sa vakadonui ko koya e na vuku ni nona vakabauta, ni sa sega tu ni cili; me yaco kina ko koya me tamadra kecega era sa vakabauta, ia ka ra sega ni cili; me okati vei ira talega nai valavala dodonu,

12me tamadra talega era sa cili, vei ira era sa sega ni cili walega, era sa muria talega nai vakarau ni vakabauta ko ya sa nei Eparaama na tamada ni se bera ni cili.

Sa Ciqomi na Yalayala ni Kalou ena Vakabauta

13 Vteki 17.4-6; 22.17-18; Kala 3.29 Ni sa sega ni yalataki vei Eparaama, se vei ira na nona kawa, mei taukei ni vuravura, e na vuku ni vunau, e na vuku ga ni veivakadonui sa yaco e na vakabauta,

14Kala 3.18ni sa mai vakatawayagataki na vakabauta, ia sa ka wale talega na vosa ni yalayala, kevaka sa taukena ko ira era sa muria na vunau.

15Ni sa vakavuna na cudruvi na vunau; ia kevaka sa sega na vunau, sa sega talega nai valavala ca.

16 Kala 3.7 E na vuku ni ka oqo, sa ka ni vakabauta, me sa rawa kina me ka ni loloma, me tudei kina na vosa ni yalayala vei ira kecega na kawa, e sega vei koya walega sa tu vua na vunau, vei koya talega sa tu vua na vakabauta i Eparaama (o koya sa tamada kecega,

17Vteki 17.5me vaka sa volai, “Au sa qisi iko mo tamadra na veivanua e vuqa”) — e matana na Kalou ka sa vakabauta ko koya, o koya sa solia na bula vei ira na mate, ka sa kaciva me basika na veika e se bera ni basika.

18Vteki 15.5Ia ni sa sega na ka me nuinui kina, sa vakabauta ko koya, ka vakanuinui, me yaco me “tamadra na veivanua e vuqa,” me vaka sa tukuni, “Ena vakakina na nomu kawa.”

19Vteki 17.17Ia ni sa sega ni malumalumu na nona vakabauta, sa sega ni vakasamataka na yagona ni sa qase ka ni sa dua beka na drau na nona yabaki, se na leqa ni kunekune e na kete i Sera.

20A sa sega talega ni lomalomarua me tawa-vakabauta na vosa ni yalayala ni Kalou, ia sa kaukauwa ga na nona vakabauta ni sa vakarokorokotaka na Kalou,

21ka sa vakadinata sara ni sa rawarawa vua na Kalou me vakayacora na ka sa yalataka.

22O koya oqo “sa okati kina vua mei valavala dodonu.”

23Ia sa sega e na vukuna duaduaga sa volai kina “ni sa okati vua;”

24e na vukuda talega, ni na okati vaka talega kina vei keda, kevaka eda sa vakabauti koya sa vakatura cake tale na noda Turaga ko Jisu mai na mate;

25Aisea 53.4,5o koya ka soli yani e na vuku ni noda i valavala ca, a sa vakaturi cake tale me da vakadonui kina.