Same 125 - Ai Vola Tabu (Vakadewa Makawa Vakavoutaki 2021)（FRV21）

Na Nodra Taqomaki na Tamata ni Kalou A Sere ni cabecabe.

1O ira era sa vakararavi vei Jiova

era na vaka na Ulunivanua ko Saioni,

o koya sa sega ni yavavala rawa,

ka sa tu ga me sega ni mudu.

2Me vaka sa voliti Jerusalemi na veiulunivanua,

sa voliti ira vakakina na nona tamata ko Jiova,

mai na gauna oqo ka yacova na gauna kecega.

3Ni na sega ni tiko na nodra i titoko nai valavala ca

e na nodra vanua na caka dodonu;

de ra yatova na ka ca

ko ira na caka dodonu.

4Mo ni caka vinaka, i Jiova, vei ira era sa vinaka,

vei ira sa dodonu na yalodra.

5Ia ko ira era sa vuki tani ki na nodra i valavala tatakelokelo,

ena kauti ira vata kei ira na daucaka cala ko Jiova.

Ia me yaco ga na vakacegu vei ira na Isireli!