1Na kena rairai vinaka na yavamu sa vakaivava,
ko iko na luvena yalewa na tui!
Nai loki ni sagamu sa vaka na ka ni ukuuku,
na cakacaka ni ligana na matai vuku.
2A nomu vicovico sa vaka na bilo momokiti,
sa sega ni yali kina na waini.
Na ketemu sa vaka nai binibini witi,
sa vakavolivoliti e na viavia.
3Na sucumu ruarua sa vaka e rua na luve ni dia lalai,
e rau sa drua.
4Na domomu sa vaka na vale ivori cecere;
na matamu sa vaka na drano mai Esiponi,
mai na matamata-ni-koro ni Paci-rapimi.
Na ucumu sa vaka na vale-cecere mai Lepanoni,
ka sa donui Tamasiko.
5Na ulumu sa vakataki Kameli,
kei na drau ni ulumu sa vaka na ka lokaloka;
sa vauci tu na tui e na drau ni ulumu!
6Sa ka levu na nomu matavinaka kei na nomu rekitaki,
ko iko ka'u sa lomana!
7A kemu balavu oqo sa vakatauvatani kei na vuni niu-sawa,
kei na sucumu sa vaka nai soso vua-ni-vaini.
8Au a kaya, Ka'u na kabata na vuni niu-sawa,
ka'u na taura na tabana.
Ia na sucumu ena qai vaka nai soso vua-ni-vaini,
kei nai boi ni nomu i cegu ena vaka na moli,
9kei na gusumu ena vaka na waini vinaka sara.
YalewaNa mena ka'u sa lomana, sa vinaka na kena gunuvi,
ka sa vakavuna na tebenigusudra era sa moce me ra vosa mai.
10Au sa nona ka'u sa lomana,
ka sa vinakati au ko koya.
11Ko iko ka'u sa lomana,
daru mai lako yani ki na veiwere,
me daru la'ki tiko e na veikoro lalai;
12me daru sou ka lako ki na veiloga-ni-vaini,
me daru raica se sa tubu vinaka na vaini,
se sa seraki na vua-ni-vaini vou
ka kubu mai na pomekaraneti, se segai.
Mai kea talega ka'u na solia kina vei iko na noqu loloma.
13Sa boiboi mai na tuta,
ka sa toka mai nodatou katuba na vuata vinaka kecega,
e vou ka matua,
o koya ka'u sa binia me nomu, ko iko ka'u sa lomana.
Who We AreWhat We EelieveWhat We Do
2025 by iamachristian.org,Inc All rights reserved.
