2 Veigauna 3 - Ai Vola Tabu (Vakadewa Makawa Vakavoutaki 2021)（FRV21）

Sa Tara na Vale i Jiova ko Solomoni

1 Vteki 22.22 Sa qai vakatekivu ko Solomoni me tara na vale i Jiova mai Jerusalemi e na Ulunivanua ko Moraia, a yasana ka rairai kina ko Jiova kivei Tevita na tamana, e na tikina sa vakarautaka oti ko Tevita, e na rara ni samu sila nei Orinani na Jepusaiti.

2A sa vakatekivu me tara e nai karua ni siga e nai karua ni vula, e na kenai kava ni yabaki ni nona lewa.

3Ia oqo na yavu sa tara kina ko Solomoni na vale ni Kalou: na kena balavu e na kiupiti me vaka nai vakarau eliu, sa onosagavulu na kiupiti, ia na kena raraba e ruasagavulu na kiupiti.

4Ia na kena balavu ni varada e mata ni vale, sa tautauvata kei na raraba ni vale, sa ruasagavulu na kiupiti, ia na kena cecere sa dua na drau ka ruasagavulu. A sa botana ko koya e loma e na koula talei.

5A sa botana na vale levu e na damanu, a sa botana oqori e na koula dina, a sa ceuta kina na vu ni balabala kei na sinucodo.

6A sa vakaiukuukutaka na vale e na veivatu talei ka matavinaka. Ia na kena koula na koula ni Parivaimi.

7A sa ubia talega na vale e na koula—e na kena soka, kei na kenai lago, kei na kena lalaga, kei na kenai sogo ni katuba—ka sa ceuta na jerupi eso ki na lalaga.

8 Lako 26.33,34 A sa cakava ko koya na Tikina Tabu Sara; na kena balavu sa tautauvata kei na raraba ni vale, e ruasagavulu na kiupiti, kei na kena raraba sa ruasagavulu na kiupiti; a sa botana e na koula dina, sa ono na drau na taledi.

9Ia na kena bibi ni vako sa limasagavulu na sikeli koula. A sa botana ko koya nai taba loma-ni-vale e cake e na koula.

10 Lako 25.18-20 A sa cakava e na Tikina Tabu Sara e rua na jerupi, sa ceuti, ka sa botana ruarua e na koula.

11Ia na kena balavu ni tabadrau na jerupi sa ruasagavulu na kiupiti; sa lima na kiupiti e dua na tabana, a sa yaco ki na lalaga ni vale, kei na tabana kadua sa lima na kiupiti, a sa yacova na taba ni jerupi kadua.

12A sa lima na kiupiti na taba ni jerupi kadua; a sa yaco ki na lalaga ni vale, a sa lima na kiupiti na tabana kadua, a sa veiuturi vata kei na tabana na jerupi kadua.

13Sa vakatetaba tu na tabadrau na jerupi oqo ka ruasagavulu na kiupiti; a rau sa wavu tu, a sa qara ki loma na matadrau.

14Lako 26.31A sa cakava ko koya nai lati e na wa karakarawa, ka lokaloka, ka damuvakula, kei na lineni matailalai, a sa cakava kina na jerupi eso.

Na Duru Lelevu e Rua(1 Tui 7.15-22)

15A sa cakava ko koya e rua na duru e na mata ni vale, na kedrau cecere sa tolusagavulu ka lima na kiupiti, ia na domodomo sa tu e deladrau sa tauyalima na kiupiti.

16A sa cakava eso na sinucodo ki na loqi ni Vosa, ka vakarubeca e na ulu ni duru ruarua; a sa cakava e dua na drau nai ukuuku e vaka na pomekaraneti, a sa vakarubeca e na sinucodo.

17A sa vakaduria cake na duru ruarua e na mata ni vale, e dua e nai matau kei na kenai karua e nai mawi; a sa vakatoka na yacana sa tu e nai matau, ko Jakini, kei na yacana sa tu e nai mawi, ko Poasa.