1 Caka 17.1 Koi keitou ko Paula, kei Silivenusi, kei Timoci,
Ki na nodra i soqosoqo lotu na kai Cesalonaika, o ira sa tu vua na Kalou ko Tamada kei na Turaga ko Jisu Karisito:
Me nomudou na loloma kei na vakacegu.
Na Nodra Bula kei na Vakabauta na Kai Cesalonaika2Keitou sa vakavinavinaka tikoga vua na Kalou e na vukumudou kecega ni keitou sa cavuti kemudou e na neitou masu,
3ka keitou sa sega ni mudu ni nanuma na nomudou daucakacaka e na vakabauta, kei na nomudou oca e na loloma, kei na nomudou vosota e nai nuinui vua na noda Turaga ko Jisu Karisito, e na mata ni Kalou ko Tamada.
4Ni keitou sa kila na nomudou digitaki, oi kemudou na veiwekani ka daulomani kemudou na Kalou,
5ni sa sega ni yaco vei kemudou na neitou i tukutuku-vinaka e na vosa walega, ia e na kaukauwa talega kei na Yalo Tabu, ka ni sa vakadinadinataki vakalevu. Ni dou sa kila na neitou i valavala e na vukumudou ni keitou a tiko vata kei kemudou.
6Caka 17.5-9Ia dou a dauvakadamurimuri keitou, kei na Turaga, ni dou a vakabauta na vosa e na veivakararawataki levu, kei na reki e na Yalo Tabu,
7ka dou a yaco kina mo dou sai vakaraitaki vei ira kecega era sa vakabauta mai Masitonia kei Akaia.
8Ni sa rogovaki yani mai vei kemudou na vosa ni Turaga ki Masitonia kei Akaia, a sa sega ni koya walega, sa yaco yani talega nai rogorogo ni nomudou vakabauta na Kalou ki na veiyasana kecega, a sa sega kina ni yaga me keitou kaya e dua na ka.
9Ni ra sa tukuna ga ko ira e na vuku i keitou nai valavala ni neitou laki tiko vei kemudou, ni dou sa saumaki mai na veimatakau vua na Kalou, mo dou qarava na Kalou bula ka dina,
10ka mo dou waraka talega na Luvena mai lomalagi sa vakatura cake tale ko koya mai na mate—ko Jisu, o koya sa vakabulai keda mai na cudru sa bera mai.
Who We AreWhat We EelieveWhat We Do
2025 by iamachristian.org,Inc All rights reserved.
