1A sa taura ko Samuela na tavaya waiwai, ka livia ki na uluna, ka reguci koya, ka kaya, “Sa segai beka ni lumuti kemuni ko Jiova mo liutaki ira na nona tamata na Isireli? Ni ko na lewai ira na tamata i Jiova ka vakabulai ira mai na ligadra na meca era sa vakavolivoliti ira. Ka oqo e na kenai vakatakilakila vei iko ni sa lumuti iko ko Jiova mo veiliutaki ka lewai ira na nona tamata:
2Ni ko ni sa biuti au edaidai, ko ni na sota kaya e le rua na tamata sa voleka ki nai bulubulu i Raijeli e na nodra i yalayala na Penijamini mai Selisa; a rau na kaya vei kemuni, ‘Era sa kune na asa ko a la'ki vakasaqara, ka raica, sa cegu ni leqataka na asa ko tamamuni ka sa lomaleqa ga e na vukumuni, ka kaya: A cava me'u cakava e na vuku ni luvequ?’
3Ia ni kemuni sa lako tani mai kea, ka ko ni sa yaco ki na kau mai Tepori, drau na sota mai kea kei na le tolu na tamata eratou sa lako cake vua na Kalou ki Peceli, e dua sa colata e tolu na luve ni me, ka dua tale sa colata e tolu nai buli madrai, ka dua tale sa colata e dua na saqa waini.
4E ratou na vakacegui kemuni, ka solia vei kemuni e rua nai buli madrai, ia mo ni taura ga vei iratou.
5Sa oti oqori, ko ni na qai yaco ki na vanua-cecere ni Kalou, sa tiko kina e dua na nodra keba ni valu na kai Filisitia. Ia ni kemuni sa lako mai ki kea ki na koro, ko ni na sota kei na dua nai vavakoso parofita era sa lako sobu mai na tikina cecere, kei na dua na soliteri, kei na tibereli, kei na bitu-ni-vakatagi, kei na api, sa liutaki ira; a ra na parofisai lako.
6Ia ena yaco vei kemuni na Yalo i Jiova, ka ko ni na parofisai vata kei ira; ia ko ni na vuki me vaka nai valavala ni dua tale na tamata.
7Ia ni sa yacovi kemuni na veivakatakilakila oqo, mo ni kitaka ga na ka sa dodonu me caka, ka ni sa tiko vata kei kemuni na Kalou.
8Mo qai gole sobu eliu vei kedaru ki Kilikali. Ka raica, ka'u na qai lako sobu yani vei kemuni me'u vakacabora eso nai soro kama ka vakamatea eso nai soro ni veivinakati. E vitu na siga mo na wawa tiko kina, me yacova na gauna ni'u sa lako yani kina vei kemuni ka vakatakila na ka mo ni cakava.”
Sa Parofisai ko Saula9Ia ni sa vuki vakanadaku ko koya me lako tani mai vei Samuela, a sa solia vua na Kalou e dua tale na yalo. Ka sa yaco nai vakatakilakila kecega oqo e na siga ko ya.
10Ia ni rau sa lako mai ki na vanua-cecere e Kipea, raica, sa sota vata kaya e dua nai vavakoso parofita, ka sa lutuki koya na Yalo ni Kalou, ka sa parofisai ko koya e na kedra maliwa.
11Ia ni ra sa kunea ko ira kecega era a kilai koya eliu ni sa parofisai vata ko koya kei ira na parofita, era sa dui veitarotarogi ko ira na tamata, “A cava oqo sa yaco vua na luve i Kisi? Sa dua talega li vei ira na parofita ko Saula?”
121Samu 19.23,24A sa vosa mai e dua na tamata sa tiko mai kea, ka kaya, “Ia ko cei na tamadratou?” O koya oqo sa yaco kina me dua nai vosavosa vakaoqo, “Sa dua talega li vei ira na parofita ko Saula?”
13Ia ni sa oti na nona parofisai, a sa lako mai ko koya ki na tikina cecere.
14Ia sa kaya vei Saula ko tamana lailai ka vakakina vei koya talega na nona cauravou, “Drau a lako tu kivei?” A sa kaya ko koya, “E na vakasaqarai ira na asa. Ka gauna keirau raica rawa kina ni ra na sega ni kune, keirau a mani lako vei Samuela.”
15A sa kaya vei Saula ko tamana lailai, “Mo tukuna mada vei au se cava sa kaya vei kemudrau ko Samuela.”
16A sa kaya ko Saula vua na tamana lailai, “A sa tukuna ga vei keirau ni sa kune na asa.” Ia na ka me baleta na matanitu, ka vosa kina vua ko Samuela, a sa sega ni tukuna vua.
Kacivaki ni sa Tui ko Saula17A sa kacivi ira vata na tamata ko Samuela kivei Jiova mai Misipa
18ka sa kaya vei ira na Isireli, “Sa vosa vakaoqo ko Jiova na Kalou ni Isireli, ‘Au a kauti ira tani mai Ijipita na Isireli, ka vakabulai kemuni mai na ligadra na kai Ijipita, kei na liga ni veimatanitu kecega era sa vakasaurarataki kemuni.’
19Ia kemuni sa beca edaidai na nomuni Kalou, o koya ka vakabulai kemuni mai na nomuni vakaloloma kecega kei na nomuni ka rarawa; ia ko ni sa kaya oti vua, ‘Mo lesia ga vei keimami e dua na tui.’ Ia oqo, mo ni mai tu edaidai e na mata i Jiova e na nomuni veiyavusa kei na nomuni veimataqali.”
20A sa vakasoqoni ira vata mai na nodra veiyavusa kecega na Isireli ko Samuela, ka sa tauri na yavusa i Penijamini mai na vakawiri madigi.
21Ia ni sa kauta voleka mai na yavusa i Penijamini, me vaka na nodra veivuvale, sa vakabau na vuvale i Matiri, a sa vakabau ko Saula na luve i Kisi. Ia ni ra sa qarai koya, sa sega ni kune.
22Era sa qai tarogi Jiova tale, “Sa lako beka mai ki ke na tamata, se segai?” ka sa kaya ko Jiova, “Raica, sa vunitaki koya ga e nai binibini i yaya.”
23A ra sa qai cici yani ka kauti koya mai kea. Ia ni sa tucake ko koya e na kedra maliwa na tamata, sa balavu cake vei ira na tamata kecega mai na tabana ki buradelana.
24A sa kaya vei ira na tamata kecega ko Samuela, “Dou sa qai raici koya ka sa digitaka ko Jiova? Sa sega tale e dua me tautauvata kaya vei ira na tamata kecega.” Ka ra sa kailavaka ko ira na tamata kecega, “Me bula balavu na tui!”
25Sa qai tukuna ko Samuela vei ira na tamata nai valavala ni matanitu vakatui, ka vola e na dua na kenai vola, ka maroroya e na mata i Jiova. A sa qai vakatalai ira yani na tamata kecega ko Samuela, na tamata yadua me lesu ki na nona vale.
26A sa lako talega yani ko Saula ki na nona vale mai Kipea, ka ra sa lako vata yani kei na so na tamata i valu ka sa tara na yalodra na Kalou.
27Ia ka so na luve ni vu-ni-ca era sa kaya, “Ena rawa ni vakabulai keda vakacava na tamata oqo?” A ra sa beci koya, ka sega ni kauta vua e dua na ka-ni-loloma. Ia sa galu ga ko koya.
Who We AreWhat We EelieveWhat We Do
2025 by iamachristian.org,Inc All rights reserved.
