Same 127 - Ai Vola Tabu (Vakadewa Makawa Vakavoutaki 2021)（FRV21）

Na Veivakalougatataki ni Kalou e na Vuvale A Same ni cabecabe. A nei Solomoni.

1Kevaka sa sega ni tara na vale ko Jiova,

era sa oca wale ko ira era sa tara.

Kevaka e sega ni vakatawa na koro ko Jiova,

sa yadra wale ko koya nai vakatawa.

2Sa sega ni yaga ni dou sa sou e na mataka,

ka berabera ni vakacegu tiko,

ka kania na madrai ni oca;

ni sa vakamoceri ira ga sa lomana ko koya.

3Raica, na gone era sa nona i solisoli na Kalou,

kei na vua ni kete sa kenai sau ni ka vinaka.

4Me vaka na gasau e na liga ni tamata kaukauwa

sa vakakina na luvedra era sa cauravou tiko.

5Sa kalougata na tamata

sa sinai na nona taga e na gasau.

Era na sega ni madua rawa,

ni ra na vosa vei ira na nodra meca mai na matamata-ni-koro.