Same 8 - Ai Vola Tabu (Vakadewa Makawa Vakavoutaki 2021)（FRV21）

Na Lagilagi ni Kalou kei na Nona Loloma vei ira na Tamata Vua nai liuliu ni sere me baleta na Kitica. A Same i Tevita.

1I Jiova na neimami Turaga,

a ka talei vakaidina nai rogo ni yacamuni e vuravura taucoko!

O ni sa vakaraitaka na nomuni lagilagi ni lomalagi e cake.

2 Maciu 21.16 Mai na gusudra na gone lalai kei na gone sa sucu tiko

ko ni sa vakataudeitaka na vakavinavinaka e na vukudra na nomuni meca,

mo ni vagalui koya kina na meca kei koya sa dauveisausaumi.

3Ni'u sa vakananuma na nomuni lomalagi, na cakacaka ni qaqalo ni ligamuni,

Na vula kei na kalokalo ko ni sa lesia;

4 Jope 7.17,18; Same 144.3; Ipe 2.6-8 A cava na tamata mo ni nanumi koya kina,

kei na luve ni tamata, mo ni dautalevi koya kina?

5O ni sa buli koya me uasivi sobu vakalailai vei ira na agilosi,

ka vakaisalataka e nai ukuuku kei na vakarokoroko.

6 1Kori 15.27; Efe 1.22; Ipe 2.8 O ni sa lesi koya me lewa na cakacaka ni ligamuni;

ko ni sa vakamalumalumutaka e ruku ni yavana na ka kecega,

7na sipi kecega kei na bulumakau,

kei na manumanu talega ni vanua,

8na manumanu vuka, kei na ika ni waitui,

kei na ka kecega sa lako voli e na sala e loma ni wasa liwa.

9I Jiova na neimami Turaga,

sa ka talei vakaidina na yacamuni e vuravura taucoko!