Same 142 - Ai Vola Tabu (Vakadewa Makawa Vakavoutaki 2021)（FRV21）

A Masu ni Kere Veivuke e na Gauna ni Veivakacacani A Masikili i Tevita. A masu ni sa tiko e loma ni qara vatu.

1Au a tagi vei Jiova e na domoqu;

ia e na domoqu ka'u a vakamamasu vei Jiova.

2Au a sova e matana na noqu tagi;

au a vakatakila e matana na noqu rarawa.

3Ni sa luvu e lomaqu na yaloqu,

ko ni a kila na noqu i lakolako.

E na sala ka'u a lako kina

era vunia kina nai cori vei au.

4Au a rai ki ligaqu i matau, ka raica—

ka sa sega na tamata e via kilai au;

sa yali vei au nai drodro;

sa sega na tamata e kauwaitaki au.

5Ka'u a tagi vei kemuni, i Jiova;

au a kaya, “Sai kemuni na noqu i drodro,

na noqu i votavota e na vanua ni bula.”

6Mo ni vakarogoca na noqu tagi,

ni'u sa vakamalumalumutaki sara.

Vakabulai au mai vei ira era sa vakacacani au,

ni ra sa gumatua vei au.

7Ni kauti au tani mai na valeniveivesu,

me'u rawa kina ni vakavinavinakataka na yacamuni!

Era na vakavoliti au na yalododonu,

ni kemuni na cakacaka vakayalololoma vei au.