Filipai Nai Vakamacala Taumada - Ai Vola Tabu (Vakadewa Makawa Vakavoutaki 2021)（FRV21）

Nai Vakamacala Taumada Nai Vola i Paula vei Ira mai Filipai sa volai ki nai matai ni soqosoqo lotu sa tauyavutaka ko Paula mai Masitonia, e dua na yasana e qali ki Roma ena vanua levu ko Urope. A volai ena gauna e tiko kina nai apositolo ena valeniveivesu, ka gauna sa leqa vakalevu tiko kina na lomana ena nodra saqati koya voli tiko eso tale na dauveiqaravi ni lotu Vakarisito. E a rarawataka tale tikoga na veivakavuvuli lasu sa tiko ena loma ni lotu mai Filipai. Ia sa sinai ga nai vola oqo ena reki kei na yalodei ka sa rawa ni vakamacalataki walega oqo mai na vakabauta titobu i Paula, ena nona vakabauti Karisito.Nai naki taumada ni kena volai nai vola oqo me vakavinavinakataki kina o ira na tamata lotu mai Filipai ena vuku ni nodra i loloma era a vakauta vua ena gauna e gadreva tu kina na veivuke. A sa vakayagataka talega ko Paula na gauna e volavola tiko kina o ya me vakataudeitaka na yalodra, ka me ra yaloqaqa ka yalodei tiko kina, ka veitalia ga na leqa kecega e sota kaya o koya se na kena era colata tiko ko ira. E a vakamasuti ira me ra taura dei nai tovo ni yalomalua ni Turaga ko Jisu, ka me kakua ni lewai ira na yalo ni dui nanumi koya vakai koya kei na dokadoka. A sa vakadeitaka tale ki lomadra ko Paula ni nodra bula ni veisemati kei Karisito sai solisoli loloma ni Kalou vei ira, ka ra sa ciqoma oqo ena vuku ni nodra vakabauta ka sega ni vu mai na nodra talairawarawa ki na veisolevu e vakaroti e nai Vakaro vaka-Jiu. Sa vola talega ko Paula ena i vola oqo na veika me baleta na reki kei na vakacegu sa solia na Kalou vei ira era sa tu vata kei Karisito.Sa kilai levu nai vola oqo ena kena vakabibitaki kina na reki, na nuidei, na duavata, kei na yalo dina ena vakabauta kei na bula Vakarisito. Sa vakaraitaki talega kina na levu ni loloma i Paula ki nai soqosoqo lotu mai Filipai.Na Lewe ni VolaNai vakamacala taumada 1.1-11

Na veika e sota kaya ko Paula 1.12-26

Na bula e Vakarisito 1.27—2.18

Nai naki eso baleti Timoci kei Epafirotaito 2.19-30

Na veivakasala me baleti ira na meca kei na leqa eso 3.1—4.9

Ko Paula kei ira na nona i tokani mai Filipai 4.10-20

Na kenai tinitini 4.21-23