1Ia ko Netapi kei Epaiu na luve i Eroni, erau sa dui kauta na nona miqa ni ka boi vinaka, a rau sa biuta kina na bukawaqa, ka viria kina na ka boi vinaka, ka cabora e na mata i Jiova na bukawaqa tani, sa sega ni vakarota vei rau ko Jiova.
2A sa lako yani na bukawaqa mai vei Jiova, ka kani rau, a rau sa ciba e na mata i Jiova.
3A sa kaya vei Eroni ko Mosese, “Oqo nai balebale ni vosa i Jiova ni sa kaya,
‘Au na vakatabui vei ira
era sa toro voleka vei au,
ia ka'u na vakarokorokotaki
e na matadra kecega na tamata.’ ”
Ka sa galu ga ko Eroni.
4Ia ko Mosese sa kacivi Misaeli kei Ilisabani, na luve i Usieli na tama i Eroni lailai, a sa kaya vei rau, “Toro voleka mai; drau kauta tani yani na wekamudrau mai na mata ni vale tabu ki nai bili ni tikotiko.”
5A rau sa toro voleka, ka kauti rau e na nodrau i curucuru balavu ki nai bili ni tikotiko; me vaka ka kaya ko Mosese.
6A sa kaya vei Eroni ko Mosese, vei rau talega na luvena, ko Iliesa kei Icama, “Dou kakua ni luvata nai sala mai na ulumudou, kakua talega ni dresulaka na nomudou i sulu; de dou mate, de yaco talega na cudru vei ira kecega na tamata; ia ko ira ga na wekamudou, na lewe-ni-vuvale kecega i Isireli, me ra tagicaka na kama sa vakavuna ko Jiova.
7Ia dou kakua ni curu yani e na katuba ni vale ni veitavaki, de dou mate; ni dou sa lumuti e na waiwai i Jiova.” A ratou sa muria na vosa i Mosese.
8A sa vosa vei Eroni ko Jiova, ka kaya,
9“Dou kakua ni gunuva na waini, se na yaqona kaukauwa, ni dou sa curu ki na vale ni veitavaki, o iko se na luvemu, de dou mate. Oqo me kenai lesilesi ka tawa mudu vei ira na nomudou veitabatamata.
10Mo dou vakatakilakilataka na ka e tabu kei na ka e sega ni tabu, kei na ka e sega ni savasava kei na ka e savasava;
11ia mo dou vakavulici ira na Isireli e na vunau kecega sa vosataka ko Jiova vei ira e na gusu i Mosese.”
12 Vsoro 6.14-18 A sa kaya ko Mosese vei Eroni, kei rau na luvena sa vo, ko Iliesa kei Icama, “Dou kauta nai madrali laukana sa vo e na ka sa cabo e na bukawaqa vei Jiova, ka kania ni sa sega ni vakalevenitaki ni dou sa tu voleka ki nai cabocabo-ni-soro, ni sa ka tabu sara.
13Ia dou kania e na dua na tikina tabu, ni sa nomu i votavota, kei na nodrau i votavota na luvemu, e na ka sa cabo e na bukawaqa vei Jiova; ni'u sa vakaroti vakaoqo.
14Vsoro 7.30-34Ia na serena sa yalovaki kei na sagana sa lavelaveti dou kania e na dua na tikina savasava; o iko kei rau na luvemu tagane, kei iratou na luvemu yalewa; ni sa nomu i votavota, kei na nodra i votavota na luvemu, sa soli mai na nodra i madrali ni veivinakati era sa cabora na Isireli.
15Na sagana sa lavelaveti kei na serena sa yalovaki me ra kauta vata mai, kei na uro sa cabo e na bukawaqa, ka me yalovaka mei soro e yalovaki e na mata i Jiova; ia me sa nomu, kei na nodra na luvemu talega, sai lesilesi ka tawa mudu; me vaka sa vakarota ko Jiova.”
16A sa vakataroga matua ko Mosese na me ka i soro ni valavala ca, ka raica—ni sa vakamai oti! A sa cudruvi rau ko Iliesa kei Icama, na luve i Eroni sa vo, ka kaya,
17Vsoro 6.24-26“A cava drau sa sega ni kania kina nai soro ni valavala ca e na tikina tabu, ni sa ka tabu sara, ka sa solia vei kemudou na Kalou me vagalalataki kina nai valavala ca ni soqosoqo, me sorovaki ira e na mata i Jiova?
18Raica, na kena dra sa sega ni kau ki loma sara ni tikina tabu. Sa dodonu mo dou kania e na tikina tabu, me vaka ka'u a vakarota.”
19A sa kaya vei Mosese ko Eroni, “Raica, era sa cabora edaidai na nodra i soro ni valavala ca, kei na nodra i soro kama, e na mata i Jiova; ka sa yacovi au na ka vakaoqo! Ia kevaka ka'u a kania nai soro ni valavala ca edaidai, e na vinaka beka e na mata i Jiova?”
20Ia ni sa rogoca ko Mosese, sa vakadonuya.
Who We AreWhat We EelieveWhat We Do
2025 by iamachristian.org,Inc All rights reserved.
