1A sa lako cake ko Mosese mai na vanua veibuca mai Moapi ki na Ulunivanua ko Nipo, ki na dela i Pisika, sa donui Jeriko. A sa vakaraitaka vua ko Jiova na vanua taucoko ko Kiliati, ka yacovi Tani,
2kei Navitalai taucoko, kei na vanua nei Ifereimi, kei Manasa, kei na vanua taucoko nei Juta, ka yacova na waitui mai ra,
3e na vanua ki na ceva, kei na vanua cecelevu—oqori mai na buca mai Jeriko, na koro ni veiloga niu-sawa—ka yaco ki Soa.
4Vteki 12.7; 26.3; 28.13A sa kaya vua ko Jiova, “Oqori na vanua ka'u a bubului kina vei Eparaama, kei Aisake, kei Jekope, ka kaya, ‘Au na solia vei ira na nomu kawa.’ Au sa vakaraitaka e matamu, ia ko na sega ga ni lako yani kina.”
5A sa mate mai kea ko Mosese na tamata ni Kalou ko Jiova e na vanua ko Moapi, me vaka na vosa i Jiova.
6A sa buluti koya ko koya e na buca e na vanua ko Moapi, sa donui Peci-piori; ia sa sega na tamata sa kila na nona i bulubulu ka yacova na siga oqo.
7Sa dua na drau ka ruasagavulu na yabaki i Mosese ni sa mate. Sa sega ni buawa mai na matana, ka sa sega ni malumu sobu na nona kaukauwa.
8A ra sa tagicaki Mosese ko ira na Isireli mai na vanua veibuca mai Moapi ka bogi tolusagavulu. Sa qai oti na bogi era tagi kina ni ra yasovaki Mosese.
9Ia ko Josua na luve i Nuni sa sinai e na yalo vuku, ni sa tabaki koya oti e na ligana ko Mosese. A ra sa vakarorogo vua na Isireli, ka kitaka na ka sa vakarota vei Mosese ko Jiova.
10 Lako 33.11 A sa sega ni tubu e muri e Isireli e dua na parofita me tautauvata kei Mosese, o koya sa veirai mata kaya ko Jiova.
11E nai vakatakilakila kecega kei na cakacaka mana, sa talai koya kina ko Jiova me cakava e na vanua ko Ijipita kivei Fero, vei ira kecega na nona tamata, kei na nona vanua taucoko,
12e na ligana kaukauwa, kei na vakadomobulataki levu sa cakacaka kina ko Mosese e matadra kecega na Isireli.
Who We AreWhat We EelieveWhat We Do
2025 by iamachristian.org,Inc All rights reserved.
