1E na siga ko ya sa solia ko Asuerosi na tui na vale i Amani na nodra meca na Jiu vei Esiteri na ranadi. A sa lako mai ki na mata ni tui ko Motekai; ni sa tukuna ko Esiteri sa wekana ko koya.
2A sa ucuna tale na tui na nona mama ni sitaba sa kauta tani mai vei Amani, ka solia vei Motekai. Ka sa lesi Motekai ko Esiteri me turaga ni vale i Amani.
3Sa vosa tale ko Esiteri vua na tui, ka cuva sobu ki na yavana, ka vakamasuta ni sa vakawai na matana, me vakadaroya na vere ca i Amani na luvei Ekaki, kei na nona i naki ca sa nakita ko koya me vakayacora vei ira na Jiu.
4A sa dodoka yani nai titoko koula ko koya na tui vei Esiteri. A sa tucake ko Esiteri, ka sa tu e matana na tui,
5ka kaya, “Kevaka sa vinakata ko koya na tui, ia kevaka ka'u sa kune loloma e matamuni, ka sa dodonu na ka oqo vua na tui, ka sa vinakati au na matamuni, me volai e dua nai vola me vukica nai vola sa cakava ko Amani, na luve i Emitaca, na luve i Ekaki, o koya ka vola ko koya me vakarusai ira na Jiu e na nona veiyasana kecega na tui.
6Ni'u na vosota rawa vakaevei me'u raica na ca ena yacovi ira na kai noqu? Se me'u vosota rawa vakaevei me'u raica na nodra rusa na wekaqu?”
7Sa qai kaya ko Asuerosi na tui vei Esiteri na ranadi, kei Motekai na Jiu, “Raica, ka'u a solia vei Esiteri na vale i Amani, a sa vakalilici ko koya e na kau, ni sa dodoka na ligana vei ira na Jiu.
8Mo drau volavola talega e na vukudra na Jiu, e na yaca ni tui, me vaka na ka drau sa vinakata, ka me tabaki na kena drega e na mama ni tui, ni sa tabu ni vukica e dua na tamata nai vola sa volai e na yaca ni tui, ka tabaki na kena drega e na mama ni tui.”
9Era sa qai kacivi ko ira na nona vunivola na tui e na siga ko ya, e nai katolu ni vula, na vula ko Saivani, e na kenai karuasagavulu ka tolu ni kena siga; ka sa volai me vaka na ka kecega ka vakarota ko Motekai, vei ira na Jiu, vei ira talega na turaga sa liu, kei ira na kovana, kei ira na turaga ni veiyasana, sa vakatekivu mai Idia ka yala ki Eciopea, e dua na drau ka ruasagavulu ka vitu na yasana, ki na yasana yadua me vaka na kenai volavola, kei na tamata yadua me vaka na nodra dui vosavosa, vei ira talega na Jiu e na nodra mata ni vola, ka vaka na nodra vosa.
10A sa volavola ko koya ka cavuti Asuerosi na tui, ka tabaka e na mama ni tui, ka vakauta na veivola vei ira era daucicivaka nai vola, kei ira sa vodo ose, kei ira sa vodo meule, kei na kameli, kei na manumanu totolo.
11Ia e nai vola ko ya sa kaya ko koya na tui vei ira na Jiu era tiko e na koro kecega me ra soqoni vata, ka veitotaki vata me ra bula, me ra ia na veivakacacani, kei na veivakamatei, kei na veivakarusai, vei ira na tamata kaukauwa, kei ira na yasana sa via vakacacani ira, kei ira na nodra lalai kei na nodra yalewa, ka me tokitaka na nodra i yau,
12e na dua bauga na siga, e na yasana kecega nei Asuerosi na tui, e nai katinikatolu ni siga e na kenai katinikarua ni vula, oqori na vula ko Eta.
13Sa tukuni vei ira na tamata kecega e nai vakaro sa volai me kau ki na veiyasana kecega, ka me ra vakarau ko ira na Jiu ki na siga ko ya, me ra saumi ira na nodra meca.
14A ra sa lako yani na tamata daucicivaka nai vola era vodo meule kei na kameli, ni ra sa vakariritaki ka cikevi e na vuku ni vakaro ni tui. Ka sa tukuni yani nai vakaro mai Susa na koro vakaturaga.
15Sa qai lako yani mai na mata ni tui ko Motekai, ka sa vakaisulu e nai sulu vakatui sa karakarawa ka vulavula, kei nai sala koula levu, kei nai sulu lineni matailalai, ka lokaloka, ka sa reki ka marau na koro ko Susa.
16Sa nodra na Jiu na rarama, kei na marau, kei na reki, kei na vakarokoroko.
17Sa reki ka marau ko ira na Jiu, a ra sa ia na kana vata ka sa dua na siga vinaka, e na yasana kecega, kei na koro kecega, sa yaco kina nai vakaro ni tui kei na nona i lesilesi. Ka ra sa vuki me Jiu e lewe vuqa vei ira na lewe-ni-vanua; ni sa kani ira na rere e na vukudra na Jiu.
Who We AreWhat We EelieveWhat We Do
2025 by iamachristian.org,Inc All rights reserved.
