Vakatakila 6 - Ai Vola Tabu (Vakadewa Makawa Vakavoutaki 2021)（FRV21）

Na Drega e Vitu

1Ia ka'u a raica ni sa cecega e dua na drega na Lami, ia ka'u a rogoca e dua vei iratou na ka bula e le va, sa vaka na kurukuru na domona, ka kaya, “Lako mai.”

2Saka 1.8; 6.3,6Au a vakararai, ka raica, e dua na ose vulavula! Ka sa taura na dakai-titi ko koya sa vodo tiko kina; a sa soli vua e dua nai sala-vakaturaga, ka sa lako yani ko koya e na gumatua, ka me gumatua e na qaqa.

3Ia ni sa cecega ko koya nai karua ni drega, au sa rogoca nai karua ni ka bula sa kaya, “Lako mai!”

4Saka 1.8; 6.2A sa duatani tale na ose sa lako yani, sa damudamu. A sa soli vua sa vodo tiko kina me kauta tani e vuravura na sautu, ka me ra veiraravui tikoga vakai ira na tamata; a sa soli vua nai seleiwau levu.

5 Saka 6.2,6 Ia ni sa cecega ko koya nai katolu ni drega, au sa rogoca nai katolu ni ka bula sa kaya, “Lako mai.” Ia ka'u a raica, ka raica, sa dua na ose loaloa; ia ko koya sa vodo tiko kina, sa taura nai vakarau e na ligana.

6Au a rogoca e dua na domo e na kedratou maliwa na ka bula e le va, sa kaya, “Me volitaki nai vakarau witi e na dua na pene, ka tolu nai vakarau barile e na dua na pene; ka raica mo kakua ni vakacacana na waiwai se na waini.”

7Ia ni sa cecega ko koya nai kava ni drega, au sa rogoca nai kava ni ka bula sa kaya, “Lako mai!”

8Isi 14.21Ia ka'u a vakararai, ka raica, sa dua na ose vulavula ca! Ia na yaca i koya sa vodo tiko kina ko Mate, ka sa muri vata kaya ko Etesi. A sa soli vua me rawa nai kava ni kena wase ko vuravura, me vakamatei e nai seleiwau, kei na viakana, kei na mate ca, kei na manumanu kila kei vuravura.

9Ia ni sa cecega ko koya nai kalima ni drega, au sa raica e ruku ni cabocabo-ni-soro na yalodra era a vakamatei e na vuku ni vosa ni Kalou, kei na vuku ni nodra i tukutuku.

10Era sa kaci e na domo levu, ka kaya, “Kemuni na Turaga cecere, sa yalododonu ka dina! Ena vakaevei na kena dede ni bera ni ko ni lewa ka cudruvaka na neimami dra vei ira era sa tiko e vuravura?”

11A sa soli vei ira yadua nai sulu vulavula; a sa kainaki vei ira, me ra cegu tiko mada vakalailai, me oti mada mai ko ira na nodra i tokani kei na wekadra, era na vakamatei mada me vakataki ira.

12 Vtaki 11.13; 16.18; Aisea 13.10; Joeli 2.10,31; 3.15; Maciu 24.29; Mari 13.24-25; Luke 21.25 Ia ka'u sa raica ni sa cecega ko koya nai kaono ni drega, ka raica, sa tavuki vakalevu na vanua; a sa loaloa sara na mata-ni-siga me vaka nai sulu vutika ni manumanu loaloa, a sa lia-dra na vula,

13Aisea 34.4a sa qeqera ki vuravura na veikalokalo ni lomalagi, e vaka na lolo sa qeqera na vuana ni sa sega ni dreu, ni sa kurea na cagi kaukauwa.

14Vtaki 16.20A sa lako tani yani na lomalagi me vaka nai vola balavu sa vivigi vata; a sa kau tani mai na nodra i tutu na ulunivanua kecega kei na yanuyanu kecega.

15Aisea 2.19,21Ia ko ira na tui kei vuravura, kei na tamata era kena turaga, kei na tamata vutuniyau, kei ira na vu-ni-valu, kei ira na tamata qaqa, kei ira kece na bobula, kei ira kecega nai taukei, era sa vunitaki ira e na veiqara kei na veiuluvatu e na veiulunivanua;

16Osea 10.8; Luke 23.30a ra sa kaya ki na veiulunivanua kei na veiuluvatu, “Lutuki keimami, ka vunitaki keimami mai na mata i koya sa tiko e nai tikotiko-vakaturaga, mai na nona cudru talega na Lami;

17Joeli 2.11; Mala 3.2ni sa qai yaco mai na siga dina ni nona cudru, ia ko cei ena yatedei me na tudei rawa?”