1 Tui Nai Vakamacala Taumada - Ai Vola Tabu (Vakadewa Makawa Vakavoutaki 2021)（FRV21）

Nai Vakamacala Taumada Nai Matai ni Kedra i Vola na Tui e vakuria ga nai volaitukutuku me baleta na veiliutaki vakatui e Isireli ka vakatekivutaki mai nai vola i Samuela. E tolu ga na kenai wasewase lelevu: (1) Veisosomitaki ko Solomoni me tui Isireli kei Juta, kei na mate i Tevita na tamana. (2) Na veiliutaki kei na veika a rawata ko Solomoni. E nanumi vakabibi eke na nona tara na Valenisoro mai Jerusalemi. (3) Na wasei rua ni vanua me dua na matanitu ena vualiku ka dua ena ceva, kei na kedra i tukutuku na tui era veiliutaki kina, me yacova mai na veimama ni i kaciwa ni senitiuri ni bera na gauna i Karisito.Ena kedra i vola ruarua na Tui, a lewai kina o koya e veiliutaki me vaka na nona yalodina tiko vua na Kalou, ni na kunei na vuana ena nodra bula sautu na lewe ni matanitu. Ia era dau kune rarawa ko ira era qarava na kalou tani kei ira era talaidredre. Era a mai druka se malumalumu kece na tui mai na vualiku; ia ko ira na tui Juta eso era vinaka ka eso era sega soti sara ni vinaka.Era vakabibitaki ena 1 Tui ko ira na parofita i Jiova, oqo ko ira na tamata yaloqaqa era a tukuna yani na vosa ni Kalou ka vunauci ira na tamata me ra kakua ni vakalou ki na matakau, se talaidredre vua. E vakairogorogo sara ko Ilaijia ena nona veibolebolei kei ira na parofita i Peali (wase 18).Na Lewe ni VolaNai otioti ni gauna ni lewa i Tevita 1.1—2.12

Sa buli me tui ko Solomoni 2.13-46

Gauna ni lewa i Solomoni 3.1—11.43

a. Na veiliutaki taumada 3.1—4.34

b. Sa tara na Valenisoro 5.1—8.66

c. Na veiyabaki e muri 9.1—11.43

Sa wase rua na matanitu 12.1—22.53

a. Era vakaduduile na yavusa mai na vualiku 12.1—14.20

b. Ko ira na tui Juta kei na tui Isireli 14.21—16.34

c. Ko Ilaijia na Parofita 17.1—19.21

d. Ko Eapi na tui Isireli 20.1—22.40

e. Ko Josefati na tui Juta kei Easaia mai Isireli 22.41-53