Vakarua 7 - Ai Vola Tabu (Vakadewa Makawa Vakavoutaki 2021)（FRV21）

A Kawa Tamata Digitaki(Lako Yani 34.11-16)

1 Caka 13.19 “Ni sa kauti kemuni yani ko Jiova na nomuni Kalou ki na vanua ko ni sa lako kina mo ni taukena, ka sa vakaseva tani e matamuni na matanitu e vuqa—na Itaiti, kei na Kakesaiti, kei na Amoraiti, kei na kai Kenani, kei na Perisaiti, kei na Aivaiti, kei na Jepusaiti, na matanitu e vitu sa levu ka kaukauwa, ka lailai ka malumalumu koi kemuni—

2ka gauna sa soli ira kina e matamuni ko Jiova na nomuni Kalou ka ko ni sa mokuti ira, ia mo ni qai vakawabokotaki ira sara. Mo ni kakua ni veiyalayalati kei ira se lomani ira.

3Mo ni kakua talega ni veiwatini kei ira, mo ni kakua ni musuka na luvemuni yalewa vua na luvena tagane, se kauta na luvena yalewa me nona na luvemuni tagane.

4Ni ra na vagolea tani na luvemuni me ra kakua ni muri au, ka me ra qarava eso na kalou tani. Ena qai waqa mai na cudru i Jiova vei kemuni, ka na vakawabokotaki kemuni vakasauri.

5Vrua 12.3Ia mo ni kitaka vei ira vakaoqo; mo ni vakacacana na nodra i cabocabo-ni-soro, ka musulaka na nodra matakau, ka taya sobu na nodra veikalou-yalewa ni veikau, ka vakama e na bukawaqa na nodra matakau ceuceu.

6 Lako 19.5; Vrua 4.20; 14.2; 26.18; Taito 2.14; 1Pita 2.9 “Ni ko ni sa matanitu tabu me nei Jiova na nomuni Kalou. Sa digitaki kemuni ko Jiova na nomuni Kalou mo ni sa nona matanitu talei, vei ira kecega na veimatanitu e dela i vuravura.

7Sa sega ni lomani kemuni ko Jiova, se digitaki kemuni e na vuku ni ko ni sa lewe levu ka lewe lailai na veimatanitu tani, ni ko ni a lewe lailai ga vei ira na matanitu kece.

8Ia sa baleta ga ni sa lomani kemuni ko Jiova ka sa maroroya na vosa sa bubului kina ko koya vei ira na nomuni qase, ni sa kauti kemuni tani kina ko Jiova e na liga kaukauwa, ka sa vakabulai kemuni mai na vale ni veivakabobulataki, mai na liga i Fero na tui Ijipita.

9Lako 20.5,6; 34.6,7; Tiko 14.18; Vrua 5.9,10Mo ni kila kina ni sa Kalou ko Jiova na nomuni Kalou, na Kalou yalodina ka sa dau dinata na nona veiyalayalati kei na loloma, vei ira era sa lomani koya ka kitaka na nona vunau, ka yacova nai tabatamata e udolu,

10ka sa sauma votu vei ira era sa cati koya, ni sa vakarusai ira. Ena sega ni caka bera vua sa cati koya, ia ena sauma votu ga e matana.

11Ia ko ni na vakabauta kina na vunau, kei nai lesilesi, kei na lewa, ka'u sa vakarota vei kemuni edaidai mo ni cakava.

Na Veivakalougatataki e na Vuku ni Talairawarawa(Vakarua 28.1-14)

12 Vrua 11.13-17 “Ia ena yaco, kevaka ko ni sa vakarorogo ki na lewa oqo, ka vakabauta, ka cakava, ena qai vakabauta vei kemuni ko Jiova na nomuni Kalou na veiyalayalati, kei na loloma, sa bubului kina vei ira na nomuni qase.

13Ia ena lomani kemuni, ka vakalougatataki kemuni, ka vakalewevuqataki kemuni; ena vakalougatataka talega na vua ni ketemuni, kei na vuata ni nomuni vanua, na nomuni sila, kei na nomuni waini, kei na nomuni waiwai, na nomuni luve ni bulumakau, kei na nomuni qele ni sipi, e na vanua sa bubului kina vei ira na nomuni qase me solia vei kemuni.

14Ko ni na kalougata vakalevu, ka vakalailai na matanitu kecega. Sa na sega na tagane se yalewa sa sega ni vakaluveni vei kemuni, se vei ira na nomuni manumanu e yavai va.

15Ia ena kauta tani mai vei kemuni ko Jiova na mate kecega, ka na lewa me kakua ni tauvi kemuni e dua na mate ca ko ni a kila mai Ijipita, ia ena lewa me tauvi ira kecega era sa cati kemuni.

16Ia ko ni na vakarusai ira kecega na veimatanitu sa solia vei kemuni ko Jiova na nomuni Kalou; me kakua ni lomani ira na matamuni; ia mo ni kakua ni qarava na nodra kalou; de sa kenai cori vei kemuni.

17“Kevaka ko ni na kaya e lomamuni, ‘Sa levu cake vei au na veimatanitu oqo. Au na qai vakasavi ira tani rawa vakaevei?’

18Mo ni kakua ni rerevaki ira. Mo ni nanuma vinaka na ka sa cakava ko Jiova na nomuni Kalou kivei Fero kei Ijipita kecega,

19na veivakatovolei levu sa kunea na matamuni, kei na veivakatakilakila, kei na veika-mana, kei na liga kaukauwa, kei na liga sa dodo yani ka sa kauti kemuni tani kina ko Jiova na nomuni Kalou. Ena kitaka vakakina ko Jiova na nomuni Kalou vei ira na matanitu kecega ko ni sa rerevaka.

20Ia ena vakatala talega ko Jiova na nomuni Kalou e dua na ka rerevaki vei ira, ka me ra vakarusai mada e matamuni ko ira era sa vo ka vunitaki tu.

21Mo ni kakua ni domobula e na vukudra, ni sa tiko vata kei kemuni ko Jiova na nomuni Kalou, na Kalou levu ka rerevaki.

22Ia ena vakasevi ira tani vakayavica tiko e matamuni na veimatanitu oqori ko Jiova na nomuni Kalou. Mo ni kakua ni vakarusai ira vakatotolo sara, de sa tubu tiko me levu mai na manumanu ni vanua ka ra gumatua vei kemuni.

23Ia ena soli ira ga vei kemuni ko Jiova na nomuni Kalou, ka vakarusai ira e na veivakarusai levu, ka me ra kawayali.

24Ia ena soli ira na nodra tui ki na ligamuni, ia ko ni na bokoca na yacadra e ruku i lomalagi. Sa na sega na tamata me tu rawa e matamuni, ko ni na vakarusai ira sara ga.

25A veimatakau ceuceu ni nodra kalou mo ni vakama e na bukawaqa. Mo ni kakua ni kocova na siliva se na koula era sa botani kina, se taura me nomuni, de ko ni sa coriti kina; ni sa ka vakasisila oqori vei Jiova na nomuni Kalou.

26Ia mo ni kakua ni kauta ki na nomuni vale na ka vakasisila, de ko ni sa lesi me vakarusai me vaka na ka ko ya. Ia mo cata vakaidina ga, ka vakasisilataka sara, ni sa lesi me vakarusai.