Jope Nai Vakamacala Taumada - Ai Vola Tabu (Vakadewa Makawa Vakavoutaki 2021)（FRV21）

Nai Vakamacala TaumadaSa tukuni e Nai Vola kei Jope na kenai tukutuku e dua na tamata dodonu ka sotava na veika dredre ka mosimosi e nona bula me vaka na nodra mate kece na luvena, na yali ni veika e taukena, kei na kena tauvi koya na mate ca. Sa qai vakavotuya mai ko koya ka vola taumada nai vola oqo e tolu nai wasewase ni vakayatuyatu vakaserekali me dusia kina na vakanananu i Jope kei ratou na nona i tokani voleka me baleta na leqa sa yacovi koya. A qai rairai sara e muri vei Jope na Kalou, ko koya ka veivosakitaki tiko vakalevu ena nodratou veitalanoa ko Jope kei iratou na nona i tokani voleka.E ratou vakamacalataka nai tokani voleka i Jope na leqa e yaco vua mai na nodratou vakasama vakayalo, ko ya ni Kalou e dau lomani ira ga na tamata vinaka ka cudruvi ira na tamata ca. Ena ka oqo, era nanuma kina ni vu ni nona kune rarawa tiko ko Jope baleta ni tiko na nona i valavala ca. Ia, sa rui vovodea sara vei Jope na vakasama oqori; ka ni sega ni dodonu me yaco vua na veika rarawa oqo baleta ni kila ko koya ni tamata dina ka dodonu. Ia, sa sega ga ni kila rawa se cava na vuna e vakatara kina na Kalou me yaco na veika mosimosi vakaoqo ki vua e dua me vakataki koya, ka mani doudou me vakataroga na veika oqo vua na Kalou. E tudei vinaka tu na vakabauta i Jope; ia, sa gadreva vakalevu sara me vakadonui ena mata ni Kalou ka me vinaka tu ga na kenai rogorogo ni sa tamata dodonu ko koya.A sega ni sauma na Kalou na lomatarotaro nei Jope; ia, sa dolea vinaka ga na vakabauta i Jope ena nona vakatakila vua na kaukauwa kei na vuku vakalou sa veivakadrukai. Ni oti ko ya, sa qai vakadinadinataka ko Jope ni Kalou levu e qarava sa rui vuku ka cecere sara; a mani veivutunitaka kina na vosa ni cudru kei na vosa vakacaca sa cavuta oti.Sa qai tini nai tukutuku oqo ni sa vakalesui tale vei Jope nai tutu ni nona bula e liu; ia sa levu cake sara na veika e taukena mai na kena e liu. A vunauci ira nai tokani voleka i Jope na Kalou ena vuku ni nodra sega ni kila rawa nai balebale ni nona kune rarawa tiko ko Jope. Ko Jope duaduaga e kila deivaki ni sa rui cecere cake dina ga na Kalou mai na veivakasama eso e nanumi me baleti koya.Na Lewe ni VolaNa vakayatuyatu taumada 1.1—2.13

Ko Jope kei ira na nona i tokani 3.1—31.40

a. Vosa kudrukudru ko Jope 3.1-26

b. Ai matai ni veivosaki 4.1—14.22

c. Nai karua ni veivosaki 15.1—21.34

d. Nai katolu ni veivosaki 22.1—27.23

e. Vakacaucautaki na vuku 28.1-28

f. Nai otioti ni tukutuku i Jope 29.1—31.40

A vosa i Ilaiu 32.1—37.24

Sa vosa vei Jope na Kalou 38.1—42.6

A kenai tinitini 42.7-17